ស្មាតហ្វូនអេក្រង់ពេញសងខាង Mi Mix Alpha មានលក់ហើយតម្លៃទិញបាន S20 Ultra ពីរគ្រឿង

2020-02-24 01:15:06
ព័ត៌មាន

2020-02-24 01:15:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Xiaomi បានចេញផ្សាយស្មាតហ្វូន Mi Mix Alpha កាលពីខែកញ្ញា ឆ្នាំ ២០១៩ កន្លងទៅ ដែលមានចំណុចរសើបត្រង់ការបំពាក់នូវអេក្រង់លាតសន្ធឹងទាំងផ្នែកខាងមុខនិងខាងក្រោយ ដល់ទៅ ១៨០,៦ ភាគរយ។

បើតាមប្រភពចុងក្រោយមួយបានឲ្យដឹងថាក្រុមហ៊ុនយក្សប្រទេសចិន បានដាក់លក់ស្មាតហ្វូន Mi Mix Alpha ជាផ្លូវការហើយ ប៉ុន្តែដំណាក់កាលដំបូងនៅទីផ្សារប្រទេសចិនជាមុនសិន ដោយមានតម្លៃប្រមាណ ១៩ ៩៩៩ យន់ឬខ្ទង់ ២ ៨៤៥ ដុល្លារ ។

គួរបញ្ជាក់ថា Mi Mix Alpha មានតួខ្លួនស្រោបដោយផ្នែកកញ្ចក់ជាធំ ខណៈគែមព័ទ្ធជុំវិញផ្នែកលើក្រោមជាសារធាតុទីតាញ៉ូម។ ប្រព័ន្ធកាមេរ៉ាក្រោយមាន Sensor ចំនួន ៣ គ្រាប់ដោយឡេនមេមានទំហំ 108MP ខណៈឡេន Ultra Wide-angle មានទំហំ 20MP និង Telephoto គ្រាប់ទីបីទំហំ 12MP។

កម្លាំងម៉ាស៊ីនរត់ដោយបន្ទះឈីប Qaulcomm Snapdragon 855 Plus អម RAM ធំទំហំ 12GB មានអង្គផ្ទុក 512GB ប្រភេទ UFS 3.0 ខណៈថាមពលថ្មទំហំ ៤ ០៥០mAh គាំទ្រប្រព័ន្ធសាកថ្មរហ័សកម្លាំង ៤០ វ៉ាត់និងមានអ៊ីនធឺណិត 5G ផងដែរ៕

អានអត្ថបទ:

ប្រភព៖ Flashfly ប្រែសម្រួល៖ កៅ រក្សា