- 2020-02-10 06:38:42
- ព័ត៌មាន
Bill Gates ចាយ ៦៤៤លានដុល្លារ ទិញនាវាកម្សាន្តដើរដោយថាមពលអ៊ីដ្រូហ្សែន
- 2020-02-10 06:38:42
- ចំនួនមតិ 0 | ចំនួនចែករំលែក 0
Bill Gates ចាយ ៦៤៤លានដុល្លារ ទិញនាវាកម្សាន្តដើរដោយថាមពលអ៊ីដ្រូហ្សែន
ចន្លោះមិនឃើញ
អតីតប្រធានក្រុមហ៊ុន Microsoft លោកមហាសេដ្ឋី Bill Gates បានកុម្ម៉ង់ទិញនូវនាវា Aqua របស់ក្រុមហ៊ុន Sinot ដែលជានាវាកម្សាន្តខ្នាតយក្សដំបូងគេក្នុងលោក ដើរដោយថាមពលអ៊ីដ្រូហ្សែន។
នាវាដែលមានតម្លៃប្រមាណ ៦៤៤ លានដុល្លារ មានប្រវែង ១១២ ម៉ែត្រ មានកម្ពស់ ៥ ជាន់ មានកន្លែងសម្រាប់ភ្ញៀវ ១៤ នាក់ និងផ្ទុកអ្នកបម្រើការលើនាវាបាន ៣១ នាក់ ហើយមានទាំងកន្លែងហាត់ប្រាណទៀតផង។
នាវាកម្សាន្តនេះប្រើប្រាស់នូវម៉ូទ័រម៉ាក 1MW ចំនួនពីរ ដែលដំណើរការដោយឧស្ម័នអ៊ីដ្រូហ្សែន ហើយវាអាចរត់បានដល់ល្បឿន ៣១,៥៤ គ.ម/ម៉ ជាមួយរយៈចម្ងាយបើកបរគឺ ៦ ០៣៥ គីឡូម៉ែត្រ។ យ៉ាងណាក្ដីនាវានេះក៏មាននូវម៉ាស៊ីនម៉ាស៊ូតមួយសម្រាប់បម្រុងទុកផងដែរ។ នាវា Sinot Aqua នេះ រំពឹងថានឹងអាចផលិតរួចរាល់នៅត្រឹមឆ្នាំ ២០២៤ ខាងមុខ៕
