- 2019-12-30 08:19:24
- ព័ត៌មាន
ទោះមានផលិតឡានក្នុងស្រុក តែវៀតណាមនាំចូលរថយន្តទ្វេដង
- 2019-12-30 08:19:24
- ចំនួនមតិ 0 | ចំនួនចែករំលែក 0
ទោះមានផលិតឡានក្នុងស្រុក តែវៀតណាមនាំចូលរថយន្តទ្វេដង
ចន្លោះមិនឃើញ
ត្រឹមរយៈពេល ១១ខែនៃឆ្នាំ២០១៩ ចំនួនលក់សម្រាប់រថយន្តផលិតក្នុងស្រុក បានធ្លាក់ចុះ ១៣ភាគរយ សរុប ១៦៩ ៧៣៩គ្រឿង ខណៈរថយន្តនាំចូល កើនឡើងទ្វេដង សរុប ១១៩ ៣៨៩គ្រឿង។ នេះបើយោងតាមសមាគមន៍ Vietnam Automobile Manufacturers Association (VAMA)។
គួរឲ្យដឹងថា ចំនួននាំចូលរថយន្តបានធ្លាក់ចុះ ២០% កាលពីឆ្នាំ២០១៨ ដោយសារតែលក្ខខណ្ឌតឹងតែងខ្លាំងសម្រាប់អ្នកនាំចូលរថយន្ត ប៉ុន្តែបានកើនឡើង ៩៦% ក្នុងឆ្នាំ២០១៩ នេះ សរុប ១៣៣ ៧០០គ្រឿង។ បើគិតជាលុយគឺជិត ៣ពាន់លានដុល្លារ ខណៈក្រសួងឧស្សាហកម្ម និងពាណិជ្ជកម្មវៀតណាម បានប៉ាន់ប្រមាណថា តួលេខនេះអាចកើនឡើងដល់ ៣,៤ពាន់លានដុល្លារ ពោលគឺជិត២ដងនៃឆ្នាំមុន បើគិតរយៈពេល១ឆ្នាំពេញ។
សូមបញ្ជាក់ថា រថយន្តវៀតណាមបាននិងកំពុងតស៊ូដណ្តើមចំណែកទីផ្សារក្នុងស្រុក។ កាលពីឆ្នាំមុន ក្រុមហ៊ុនវៀតណាម THACO លក់រថយន្តបានត្រឹមតែ ២៨៨ ៧០០គ្រឿងប៉ុណ្ណោះ បើប្រៀបធៀបជាមួយរថយន្តនាំចូលពីថៃ និងឥណ្ឌូនេស៊ីវិញ លក់ដាច់សរុបជាង ២លានគ្រឿងឯណោះ៕
