សាលតាំងបង្ហាញរថយន្តម៉ាក NISSAN ថ្មីនៅកម្ពុជា បើកសម្ពោធជាផ្លូវការ

2019-12-20 09:02:53
ព័ត៌មាន

2019-12-20 09:02:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី១៩ ខែធ្នូ ឆ្នាំ ២០១៩ ក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី ឬ (“TCMC”) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន តាន់ ចុង ម៉ូធ័រ ហូលឌីង ប៊ីអេចឌី (ម៉ាឡេស៊ី) និងជាក្រុមហ៊ុនទទួលស្គាល់សិទ្ធិនាំចូលនិងចែកចាយផ្តាច់មុខស្របច្បាប់លើរថយន្តម៉ាក NISSAN តែមួយគត់ នៅក្នុងប្រទេសកម្ពុជា បានបើកសម្ពោធជាផ្លូវការនូវសាលតាំងបង្ហាញរថយន្តថ្មីម៉ាក NISSAN របស់ខ្លួនដែលប្រារព្ធឡើងនៅរាជធានីភ្នំពេញ ព្រះរាជាណាចក្រកម្ពុជា។

ក្នុងកាថ្លែងសុន្ទរកថារបស់ លោក ឧកញ៉ា Than Tai Hing ដែលជាប្រធានក្រុមប្រឹក្សាភិបាលក្រុមហ៊ុន តាន់ ចុង ម៉ូធ័រ ប្រចាំប្រទេសកម្ពុជា និងឡាវ បានមានប្រសាសន៍ថា ៖ "ទស្សនៈនិងឆន្ទៈរបស់ក្រុមហ៊ុន NISSAN គឺពឹងផ្អែកទៅលើយុទ្ធសាស្ត្រផលិតរថយន្តដែលមានការរចនានិងច្នៃប្រឌិតថ្មី ហើយបានអភិវឌ្ឍអាជីវកម្មរបស់ខ្លួនដោយមានការប្តេជ្ញាចិត្តខ្ពស់ក្នុងការផលិតរថយន្តស៊េរីថ្មីទំនើបដែលមានគុណភាពខ្ពស់ស្របតាមបច្ចេកវិទ្យាចុងក្រោយយបង្អស់ដើម្បីផ្គត់ផ្គង់ដល់អតិថិជនដែលនិយមប្រើប្រាស់រថយន្តស៊េរីថ្មីបានទាន់តម្រូវការ គឺដើម្បីឲ្យអតិថិជនរបស់យើងទាំងអស់ទទួលបាននូវអារម្មណ៍រីករាយ ផាសុកភាព និង សុវត្ថភាព ក្នុងការបើកបរ។ មិនតែប៉ុណ្ណះក្រុមហ៊ុនយើងបានផ្តល់នូវបទទពិសោធន៏និងសេវាកម្មដ៏មានទំនុកចិត្តដល់អតិថិជនតាំងពីនាទីដំបូង"។

ដោយសម្លឹងឃើញពីការកើនឡើងនៃអ្នកប្រើប្រាស់រថយន្តម៉ាក NISSAN និងដើម្បីឆ្លើយតបទៅនឹងតម្រូវការរបស់អតិថិជនឲ្យបានទាន់ពេលវេលា ក្រុមហ៊ុនតាន់ចុងមូធ័របាននិងកំពុងបន្តពង្រីកនិងពង្រឹង នូវសេវាកម្មរបស់ខ្លួនដើម្បីធានាឱ្យបាននូវសេវាកម្មដែលមានគុណភាពខ្ពស់ មានភាពងាយស្រួល និងមានភាពជឿជាក់ ដល់អតិថិជន លើសពីនេះទៅទៀតរថយន្តម៉ាក NISSAN គឺជាប្រភេទរថយន្តដែលត្រូវបានទទួលស្គាល់ថាមានគុណភាពខ្ពស់និងចំណាយសាំងតិចពីសំណាក់អ្នកប្រើប្រាស់គ្រប់ទិសទីទូទាំងសកលលោក។

នៅក្នុងសុន្ទរកថាលោកស្រី Ayako Nakamura ដែលជាអគ្គនាយករងផ្នែកទីផ្សារឯករាជ្យ ប្រចាំអាស៊ី និង អូសេអានី បានលើកឡើងថា៖ “តម្រូវការរបស់អតិថិជនគឺជាកត្តាចំបងនិងចាំបាច់បំផុតដែលយើងខ្ញុំត្រូវយកចិត្តទុកដាក់និងបំពេញឲ្យបាន ខណៈពេលដែលយើងខ្ញុំផ្តោតសំខាន់ទៅលើការបំពេញនឹងផ្តល់សេវាកម្មដែលល្អឥតខ្ចោះលំដាប់ពានរង្វាន់នៅក្នុងវិស័យឧស្សាហកម្មដែលឈានមុខគេ វាក៏ជាកត្តាសំខាន់ផងដែរដែលយើងខ្ញុំចាំបាច់ត្រូវយកចិត្តទុកដាក់ក្នុងការបង្កើតនូវបរិយាកាសដែលល្អប្រសើរទុកជាបទពិសោធន៍។

ឯកឧត្តម ពៅ ម៉ាលី រដ្ឋលេខាធិការនៃក្រសួងសាធារណការនិងដឹកជញ្ជូនកម្ពុជាបានមានប្រសាសន៍ថា៖ “ថ្ងៃនេះខ្ញុំពិតជាមានកិត្តិយសនិងសេចក្ដីសោមនស្សរីករាយខ្លាំងណាស់ដែលត្រូវបានអញ្ជើញចូលរួមនៅក្នុងកម្មវិធីបើកសម្ពោធជាផ្លូវការនូវសាលតាំងបង្ហាញរថយន្តម៉ាក NISSAN ថ្មីនេះ ហើយខ្ញុំពិតជាមានមោទនភាពនិងរីករាយក្រៃលែងចំពោះការខិតខំប្រឹងប្រែង របស់ក្រុមហ៊ុន NISSAN និងក្រុមហ៊ុនតាន់ ចុង ម៉ូធ័រ ខេមបូឌា ដែលបានសហការគ្នាយ៉ាងស្វិតស្វាញក្នុងការផលិតនិងផ្គត់ផ្គង់រថយន្តទំនើបស៊េរីថ្មីតបនឹងតម្រូវការអតិថិជនក្នុងប្រទេសកម្ពុជាយើង។ លើសពីនេះផងដែរខ្ញុំពិតជាស្ញប់ស្ញែងនិងសូមកោតសរសើរចំពោះបច្ចេកវិទ្យាដ៏ថ្មីដែលបានបង្កើតឡើងសំរាប់បំពាក់លើរថយន្ត NISSAN នាពេលបច្ចុប្បន្ន ហើយខ្ញុំជឿជាក់ថា ប្រព័ន្ធបំផ្លាស់ទីឆ្លាតវៃ ឬ (Intelligent Mobility) ដែលបានបំពាក់លើរថយន្ត NISSAN នឹងជួយបង្កើនសុត្ថិភាពដល់អ្នកបើកបរព្រមទាំងកាត់បន្ថយគ្រោះថ្នាក់ចរាចរណ៏ផងដែរ។

ឯកឧត្តម បានបន្ថែមទៀតថា ការបើកសម្ពោធជាផ្លូវការសាលតាំងបង្ហាញរថយន្តរបស់ក្រុមហ៊ុន NISSAN ថ្មីមួយនេះ ត្រូវបានរៀបចំឡើងដោយយកចិត្តទុកដាក់ពីគណៈគ្រប់គ្រងជាន់ខ្ពស់របស់ក្រុមហ៊ុនតាន់ ចុង ម៉ូធ័រ អមជាមួយនិងវត្តមានកិត្តិយសរបស់ឯកឧត្តមបណ្ឌិត សុខ ស៊ីផាន់ណា មន្ត្រីស្ថានទូតផ្លូវការរបស់ម៉ាឡេស៊ី និងព្រុយណេ រួមទាំងអ្នកសារព័ត៌មានជាតិនិងទូរទស្សន៏ក្នុងស្រុកជាច្រើន ភ្ញៀវកិត្តិយសទាំងអស់ដែលបានអញ្ជើញចូលរួមក្នុងកម្មវិធីបើកសម្ពោធសាលតាំងបង្ហាញរថយន្តរបស់រថយន្ត NISSAN ទាំងអស់បានសម្ដែងការចាប់អារម្មណ៍ជាខ្លាំងទៅលើ ការដាក់តាំងបង្ហាញរថយន្តម៉ូដែលថ្មីទំនើបទាំងអស់របស់NISSAN ជាពិសេសពួកគាត់បានទទួលបាននូវអារម្មណ៍រីករាយនិងបទពិសោធន៍ដ៏ថ្មីប្លែកអស្ចារ្យ ជាមួយនឹងរចនាបថរបស់ ម៉ាកសំគាល់ NISSAN ដែលមានពណ៌ក្រហមលេចធ្លោ និងមានតែមួយគត់នៅក្នុងប្រទេសកម្ពុជា។

សាលតាំងបង្ហាញថ្មីរបស់រថយន្តNISSANដែលចាប់បើកដំណើរការនេះ នឹងបង្កើនភាពងាយស្រួលដល់អតិថិជនក្នុងការស្វែងរក តបទៅនឹងតម្រូវការនៃកំណើនប្រជាជនដែលបានកើនឡើងនៅរាជធានីភ្នំពេញ លើសពីនេះអតិថិជននឹងទទួលបាននូវសេវាកម្មប្រឹក្សារថយន្តដែលនូវជិតលោកអ្នកបំផុត។ អតិថិជនអាចទទួលបាននូវបទពិសោធន៍ដ៏ល្អនិងការស្វាគមន៍យ៉ាងកក់ក្ដៅក្នុងការអញ្ជើញចូលទស្សនារាល់រថយន្ត NISSAN ម៉ូដែលថ្មីដែលកំពុងដាក់តាំងបង្ហាញក្នុងសាលតាំងបង្ហាញរថយន្ត ដែលប្រកបដោយផាសុកភាព ទំនើប ស៊ីវិល័យ និង បានជួបជាមួយបុគ្គលិកផ្តល់ប្រឹក្សារថយន្តដែលមានភាពរួសរាយរាក់ទាក់ដើម្បីទទួលបាននូវ “ការបើករថយន្ត NISSAN សាកល្បង“ មិនតែប៉ុណ្ណោះអតិថិជនអាចទទួលបាននូវអារម្មណ៍រីករាយស្រស់ថា្លជាមួយក្រុមគ្រួសារក្នុងសាលតាំងបង្ហាញរថយន្តដែលបំពាក់ដោយ Wi-Fi កន្លែងអង្គុយលេង កន្លែងក្មេងលេង និងចូលរួមទទួលទានកាហ្វេដ៏ឈ្ងុយឆ្ងាញ់ដោយឥតគិតថ្លៃ។

ភ្ញៀវកិត្តិយសដែលមានវត្តមានក្នុងព្រឹត្តិការណ៍ផ្លូវការនេះពិតជាមានអារម្មណរីករាយដោយទទួលបានការស្វាគមន៍យ៉ាងកក់ក្តៅ និងទទួលទានអាហារពេលល្ងាចបែបប៊ូហ្វេដ៏ឈ្ងុយឆ្ងាញ់ ជាមួយនឹងការទស្សនានូវការសម្តែងក្បាច់រាំ រួមជាមួយនឹងការកម្សាន្តពីក្រុមតន្ត្រីផងដែរ។ សម្រាប់ព័ត៌មានបន្ថែមស្ដីពីម៉ូដែលរបស់រថយន្ត NISSAN ទាំងអស់នៅកម្ពុជាសូមចូលទៅកាន់វិបសាយរបស់រថយន្ត NISSAN កម្ពុជាតាមរយៈ www.nissan.com.kh ឬតាមដាននៅលើទំព័រ Facebook របស់រថយន្ត NISSAN កម្ពុជា តាមរយៈ https://www.facebook.com/CambodiaNissan/ ឬទំនាក់ទំនងទូរសព្ទលេខ 023 993 338៕

រូបភាព ៖ ប្រភពផ្ដល់ឲ្យ