- 2019-09-28 02:00:00
- ព័ត៌មាន
ចចេសមិនព្រមបិទ ទូរសព្ទពេលជិះយន្តហោះ ជាប់គុក ៥ ថ្ងៃ!
- 2019-09-28 02:00:00
- ចំនួនមតិ 0 | ចំនួនចែករំលែក 0
ចចេសមិនព្រមបិទ ទូរសព្ទពេលជិះយន្តហោះ ជាប់គុក ៥ ថ្ងៃ!
ចន្លោះមិនឃើញ
ចិន ជាប្រទេសដែលមានវិន័យតឹងរ៉ឹងបំផុតសម្រាប់ការហោះហើរ ហើយតាមការចុះផ្សាយរបស់វិបសាយព័ត៌មានចិន China.org ឲ្យដឹងថាមានអ្នកដំណើរបីនាក់ដែលហោះហើរចន្លោះថ្ងៃ ៥ ខែមករា ដល់ថ្ងៃ ៦ កុម្ភៈ ត្រូវបានចាប់ខ្លួនដោយសារប្រើទូរសព្ទនៅលើយន្តហោះ។
ក្នុងចំណោម ៣ នាក់រួមមានស្ត្រីម្នាក់ឈ្មោះ Zhang ដែលបានចចេសមិនព្រមបិទទូរសព្ទរបស់ខ្លួនពេលយន្តហោះរៀបចេញដំណើរ និង បាននិយាយទូរសព្ទអំឡុងពេលហោះហើរទៀតផង។ ជាលទ្ធផលស្ត្រីរូបនេះត្រូវជាប់គុករយៈពេល ៥ ថ្ងៃ។ អ្នកដំណើរទីពីរឈ្មោះ Niu ក៏ត្រូវបានឃាត់ខ្លួនដោយសារការប្រើទូរសព្ទ ប៉ុន្តែជាប់ឃុំតែ ៣ ថ្ងៃប៉ុណ្ណោះ។
អ្នកដំណើរចុងក្រោយឈ្មោះ Wang ប្រហែលជាអ្នកដំណើរស៊យជាងគេ។ អ្នកដំណើរដែលគេមិនបានបញ្ជាក់ពីភេទរូបនេះត្រូវគេចោទប្រកាន់ថាបានស្ដាប់ចម្រៀងអំឡុងពេលរៀបចេញដំណើរ និង ពេលចុះចត។ Wang ក៏ត្រូវជាប់ឃុំរយៈពេល ៥ ថ្ងៃដែរ ប៉ុន្តែក៏អាចត្រូវប្រឈមនឹងការពិន័យជាទឹកប្រាក់ ៧ ២៦៥ ដុល្លារទៀតផង។
ទាក់ទងនឹងការប្រើប្រាស់ទូរសព្ទលើយន្តហោះឯណោះវិញគឺរលកសញ្ញារបស់ទូរសព្ទអាចបង្កជាការរំខានដល់អ្នកបើកយន្តហោះមួយចំនួន និង អ្នកគ្រប់គ្រងចរាចរខាងជើងអាកាស។ ត្បិតថាមិនមែនជាកម្រិតគ្រោះថ្នាក់អ្វី ប៉ុន្តែវាពិតជាធ្វើឲ្យរំខានដល់ដំណើរការនៃការងារណាស់៕