- 2019-07-29 02:30:56
- ព័ត៌មាន
អ្នកលេង Fortnite វ័យ ១៦ ឆ្នាំ បានលុយ ៣ លានដុល្លារ ក្រោយផ្ដួលមនុស្ស ៤០ លាននាក់
- 2019-07-29 02:30:56
- ចំនួនមតិ 0 | ចំនួនចែករំលែក 0
អ្នកលេង Fortnite វ័យ ១៦ ឆ្នាំ បានលុយ ៣ លានដុល្លារ ក្រោយផ្ដួលមនុស្ស ៤០ លាននាក់
ចន្លោះមិនឃើញ
យុវជនវ័យ ១៦ ឆ្នាំម្នាក់ បានឈ្នះរង្វាន់ជាទឹកប្រាក់ ៣ លានដុល្លារ ពីការប្រកួត Fortnite World Cup វគ្គផ្ដាច់ព្រ័ត្រ ក្រោយពីបានផ្ដួលអ្នកលេងជាង ៤០ លាននាក់នៅជុំវិញពិភពលោក ដើម្បីឈ្នះពានរង្វាន់ធំ។
យុវជនរូបនេះមានឈ្មោះថា Kyle Giersdorf មានឈ្មោះហៅក្រៅ Bugha មកពីរដ្ឋ Pennsylvania អាចឈ្នះការប្រកួតវគ្គផ្ដាច់ព្រ័ត្រ ដែលធ្វើឡើងនៅកីឡដ្ឋាន Arthur Ashe នាទីក្រុង New York ដោយប្រកួតក្នុងវគ្គ Solos។
ក្រៅពីវគ្គ Solos ក្នុងការប្រកួតនេះក៏មានវគ្គ Creative, Celebrity Pro-Am និង Duos ដែលមានរង្វាន់សរុបចំនួន ៣០ លានដុល្លារឯណោះ ជាប្រាក់រង្វាន់ដ៏ច្រើនសន្ធឹកមួយក្នុងប្រវត្តិសាស្ត្ររបស់ eSports។ អ្នកដែលមានសមត្ថភាពបានចូលរួមលេងនៅវគ្គផ្ដាច់ព្រ័ត្រនេះ ទទួលបានប្រាក់រង្វាន់យ៉ាងតិច ៥ ម៉ឺនដុល្លារក្នុងម្នាក់ៗ ហើយអ្នកដែលស្ថិតក្នុងតំណែងកំពូលទាំង ៥ អាចក្លាយជាសេដ្ឋីភ្លាមៗ។
យ៉ាងណាក្ដីអ្នកលេង Fortnite ដ៏ល្បីឈ្មោះ Ninja មិនអាចឡើងដល់វគ្គផ្ដាច់ព្រ័ត្រនៃវគ្គ Solos និង Duos បាននោះទេ។ Gamer ដែលមាន Subscriber ជាង ២២ លាននាក់រូបនេះ មិនអាចតស៊ូបានក្នុងវគ្គជម្រុះ ១០ សប្ដាហ៍កន្លងមកនេះ៕
ចុចអាន៖
