- 2019-07-26 06:15:45
- ចំណេះដឹង
ផេក Facebook ទាំង ១០ មានអ្នកតាមដានច្រើនជាងគេលើលោក
- 2019-07-26 06:15:45
- ចំនួនមតិ 0 | ចំនួនចែករំលែក 0
ផេក Facebook ទាំង ១០ មានអ្នកតាមដានច្រើនជាងគេលើលោក
ចន្លោះមិនឃើញ
Content ជាចំណុចសំខាន់បំផុតដែលអាចធ្វើឲ្យវីដេអូនីមួយៗមានអ្នកចូលមើលច្រើនមហាសាល។ មិនថាលោកអ្នកជា Blogger, Vlogger, ឬម្ចាស់ Platform ណាទេ។ ការផលិតវីដេអូបច្ចុប្បន្នកំពុងទទួលបានការគាំទ្រពី Facebook ហើយម្ចាស់ Channel អាចរកចំណូលបានយ៉ាងក្រាស់ក្រែលទៀតផង តួយ៉ាងដូចផេក Facebook ទាំង ១០ ខាងក្រោម៖
១. LADbible
បង្កើតឆ្នាំ ២០១២ មានអ្នកតាមដានជាង ៣៥លាននាក់ ហើយក្នុងមួយខែមានអ្នកចូលមើលវីដេអូដល់ទៅ ៣ ០០០លាន(3.0B views)ដងឯណោះ។ រាប់បានថាជា Channel ដែលផលិតវីដេអូពេញទំហឹងព្រោះ មានការចេញផ្សាយវីដេអូថ្មីៗសឹងតែមួយម៉ោងម្ដងទៅហើយ។
២. UNILAD
តាមពិតទៅ ទាំងUNILADនិង LADbible ដូចបងប្អូនបង្កើតចឹង គ្រាន់តែ UNILAD មានចុះអត្ថបទបន្ថែមពីលើវីដេអូទៀត។ នៅក្នុងខែមេសាផេកនេះមានអ្នកចូលមើលដល់ទៅ ១ ៥០០ លានដង(1.58B views)ឯណោះ។
៣. Taste Life
សម័យនេះហើយ ម្ហូបមិនលក់តែរសជាតិទេ សោភ័ណ្ឌភាពក៏អាចឲ្យមនុស្សផ្អើលបាក់ទឹកបាក់ដីចង់ដឹងចង់ឃើញដែរដូច្នេះហើយទើបឃើញមាន Content ម្ហូបអាហារក៏កំពុងស្ទុះឡើងមិនចាញ់គេដូចគ្នា។ ផេក Taste Life បង្កើតវិធីធ្វើម្ហូបពីវប្បធម៌ចម្រុះ មានអ្នកចូលមើលច្រើនដល់ទៅ ១ ៥០០ លានដង។
៤. Tasty
ផេកធ្វើម្ហូបដែលអាចធ្វើឲ្យអ្នកមើលលួចលេបទឹកមាត់ម្ដងៗ ហើយសឹងតែស្ទុះទៅធ្វើម្ហូបតាមភ្លាមៗតែម្ដង។ ផេកនេះមានអ្នកតាមដានដល់ទៅ ៩៦លាននាក់ ភាគច្រើនបង្កើតវីដេអូដែលខ្លីៗ ស្រួលមើល គួរឲ្យចង់តាមដាន។ ផេកនេះលេងទាំងពន្លឺ ទាំងសម្លេង និងក្រាហ្វិកស្អាតៗ ចាត់ទុកថាជាផេកដែលមានជំនាញរឿងការផលិតវីដេអូទាក់ទងនឹងម្ហូបមែន។
៥. 5-Minute Crafts
ជាផេកដែលផលិតវីដេអូកែឆ្នៃវត្ថុផ្សេងៗ និយាយរួមដូចប្រាប់ពីទិចនិចដែលជួយឲ្យអ្នកមើលយកទៅអនុវត្តបាន ធ្វើឲ្យជីវិតកាន់តែងាយស្រួល(Life Hack)។ មានចំនួនអ្នកតាមដានដល់ទៅ ៥៦ លាន និងមានអ្នកចូលមើលវីដេអូដល់ទៅ ១ ១០០លានដងក្នុងខែមេសាកន្លងទៅនេះ។
ចំណាត់ថ្នាក់លេខ ៦ដល់លេខ ១០មាន VTRND, Beauty Studio, VT, Rick Lax’s Favoriteនិង Blossom ផេកនីមួយៗមានអ្នកចូលមើលចន្លោះពី ៧០០ទៅ ១ ០០០លានដង។
Tubular Labs ជាអ្នករួបរួមទិន្នន័យនិងបានវិភាគថា ពីមុនសន្ទុះការគាំទ្រវីដេអូច្រើនជាក្រុមព័ត៌មាន ព័ត៌មាននយោបាយ ព័ត៌មានកម្សាន្តនិងសត្វ តែបច្ចុប្បន្ន អ្វីក៏អាចកើតឡើងដែរហើយមានការប្រែប្រួលគ្រប់ពេលវេលា៕