ក្រុមហ៊ុនអាមេរិក រិះរកវិធីលក់ទំនិញ ឲ្យ Huawei ទាល់តែបាន ទោះត្រូវរដ្ឋាភិបាលហាម

2019-06-26 07:58:55
ព័ត៌មាន

2019-06-26 07:58:55
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋបាលលោកដូណាល់ ត្រាំ បានហាមខាត់ក្រុមហ៊ុនបច្ចេកវិទ្យាអាមេរិក មិនឲ្យធ្វើជំនួញជាមួយក្រុមហ៊ុនយក្សចិន Huawei កាលពីខែឧសភា ប៉ុន្តែក្រុមហ៊ុនអាមេរិករួមមាន Intel និង Micron បានលក់ឈីបកុំព្យូទ័រឲ្យ Hauwei ជាថ្មីម្ដងទៀតហើយ។ នេះបើតាមការចុះផ្សាយរបស់ New York Times។

លោក Sanjay Mehrotra នាយកប្រតិបត្តិ Micron បានបញ្ជាក់នៅថ្ងៃអង្គារថាក្រុមហ៊ុនរបស់ខ្លួន បានចាប់ផ្ដើមដឹកជញ្ជូនទៅឲ្យ Huawei សារឡើងវិញ នៅរយៈពេល ២ សប្ដាហ៍កន្លងមកនេះ។ ចំណែក Intel មិនទាន់បានចេញមុខឆ្លើយតបនៅឡើយទេ។

Micron គឺជាក្រុមហ៊ុនផលិតឈីបកុំព្យូទ័រធំមួយរបស់អាមេរិក។ ចំណែក Intel គឺជាក្រុមហ៊ុនផលិតឈីប Semiconductor ធំមួយរបស់អាមេរិក។ Huawei គឺជាក្រុមហ៊ុនផលិតស្មាតហ្វូនធំលំដាប់ទីពីរលើពិភពលោក។

តាមការចុះផ្សាយរបស់ NYT បានឲ្យថា ក្រុមហ៊ុនជាច្រើនបានផ្អាកដំណើរការលក់ទំនិញឲ្យ Huawei ក្នុងរយៈពេលមួយ រហូតដល់ពេលដែលមេធាវីរបស់ពួកគេសម្រេចថាពួកគេនៅតែអាចធ្វើការលក់បានខ្លះៗ ប្រសិនបើផលិតផលដែលលក់មិនត្រូវបានចាត់ទុកថាជាផលិតផលផលិតនៅអាមេរិក។ រដ្ឋបាលដូណាល់ ត្រាំ បានដឹងអំពីការលក់នេះ ប៉ុន្តែមិនបានបញ្ចេញប្រតិកម្មនោះទេ។ សេតវិមានមិនបានឆ្លើយតបភ្លាមៗឡើយ ពេលសារព័ត៌មានសួរអំពីរឿងនេះ៕

ចុចអាន៖

ប្រភព៖ Gizmodo ប្រែសម្រួល៖ សុខហេង