- 2019-04-05 02:42:21
- ព័ត៌មាន
មេ Amazon ព្រមចែកទ្រព្យ ៣៥ ពាន់លានដុល្លារឲ្យប្រពន្ធ
- 2019-04-05 02:42:21
- ចំនួនមតិ 0 | ចំនួនចែករំលែក 0
មេ Amazon ព្រមចែកទ្រព្យ ៣៥ ពាន់លានដុល្លារឲ្យប្រពន្ធ
ចន្លោះមិនឃើញ
លោក Jeff Bezos ជាស្ថាបនិក និងជានាយកប្រតិបត្តិក្រុមហ៊ុនលក់ទំនិញអនឡាញ Amazon បានប្រកាសកាលពីថ្ងៃព្រហស្បតិ៍ថានឹងផ្ទេរភាគហ៊ុននៃក្រុមហ៊ុន ៤% ទៅឲ្យប្រពន្ធរបស់ខ្លួន ក្នុងកិច្ចព្រមព្រៀងនៃការលែងលះគ្នា។
ភាគហ៊ុន ៤% នេះ បើគិតត្រឹមថ្ងៃព្រហស្បតិ៍នេះគឺមានតម្លៃស្មើនឹង ៣៥ ពាន់លានដុល្លារ។ វានឹងធ្វើឲ្យអ្នកស្រី MacKenzie ក្លាយជាស្ត្រីមានជាងគេក្នុងលោកលំដាប់លេខ ៣ ហើយនឹងជាបុគ្គលមានជាងគេក្នុងលោកលំដាប់លេខ ២៦ ផងដែរ។
ទោះបីចែកភាគហ៊ុនឲ្យប្រពន្ធក្ដី លោក Jeff Bezos នឹងនៅតែជាបុគ្គលមានជាងគេក្នុងលោក ដោយមានទ្រព្យសម្បត្តិតម្លៃលើសពី ១១០ ពាន់លានដុល្លារ។ ខណៈលោក Bill Gates មានទ្រព្យសម្បត្តិប្រមាណ ៩៩,៥ ពាន់លានដុល្លារ។
គួរដឹងថាគូស្វាមីភរិយាមួយគូនេះ បានប្រកាសពីការលែងលះរបស់ពួកគេ កាលពីខែមករាកន្លងទៅ ក្រោយពីចងសម្ព័ន្ធស្នេហាអស់រយៈពេល ២៥ ឆ្នាំ។ តាមការរាយការណ៍បានឱ្យដឹងថា បញ្ហាបែកបាក់នេះគឺដោយសារលោក Jeff មានទំនាក់ទំនងជិតស្និទ្ធជាមួយអតីតអ្នកដឹកនាំកម្មវិធីម្នាក់នៅ ទូរទស្សន៍ Fox TV ឈ្មោះ Lauren Sanchez តាំងពីចុងឆ្នាំ ២០១៨ មកម្ល៉េះ៕
ចុចអាន៖
