ឡាន Prius មួយទឹកស៊េរី ២០១០ តម្លៃប៉ុន្មានពេលនេះ?

2019-01-08 04:20:00
ហាងឆេងផលិតផល

2019-01-08 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាប្រភេទឡានមួយទឹកកំពុងមានទីផ្សារ Prius ជាជម្រើសមួយសម្រាប់អ្នកចង់បានឡានស៊ីសាំងតិច សម្រាប់ប្រើប្រាស់ជាលក្ខណៈគ្រួសារ។

តាមឃ្លាំងកំពុងនាំចូល និងមានការប្រើប្រាស់ច្រើនចាប់ពីស៊េរីឆ្នាំ ២០០៤ ដល់ ២០០៧ មានតម្លៃចន្លោះពី ១០ ០០០ ទៅ ១៦ ០០០ ដុល្លារ តាមពណ៌ Option និងគុណភាព។

ងាកមកមើល Prius ស៊េរីខ្អស់ចាប់ពីឆ្នាំ ២០១០ វិញ។ លោក ម៉េង យិធ ម្ចាស់ឃ្លាំងលក់ឡានមួយទឹក Y168 Car Shopបានប្រាប់ Sabay ថាលោកបាននាំចូលប្រភេទឡាន Prius មួយទឹកនេះមានចាប់ពីស៊េរីឆ្នាំ ២០១០ ២០១២ និង ២០១៣ ចំពោះតម្លៃក៏រាងថ្លៃគួរសមដែរ។

ចំពោះ Prius ស៊េរី ២០១០ មួយទឹកនេះដែរ មានតម្លៃខ្ទង់ ២៦ ០០០ ដុល្លារ សម្រាប់ប្រភេទ Full Option និងតម្លៃខ្ទង់ ២៤ ៥០០ ដុល្លារ ប្រភេទ Hafl Full តម្លៃខ្ទង់ ២៣ ០០០ ដុល្លារ សម្រាប់ប្រភេទ Base Option ពណ៌ស សម្រាប់ពណ៌ទឹកមាសអាចមានតម្លៃទាបជាងនេះប្រមាណជា ១ ៥០០ ទៅ ២ ០០០ ដុល្លារ។

ចំណុចពិសេសៗលើ Prius ស៊េរី ២០១០ មាន

មានមុខងារលាងសម្អាតអំពូលខាងមុខ
Sensor ជំនួយពេលចូលចត
ប្រព័ន្ធបំពងសំឡេង JBL កម្រិត Premium
កៅអីតៃកុងអាចសារ៉េ ដោយប៊ូតុងស្វ័យប្រវត្តិ។

លក្ខណៈបច្ចេកទេស

Toyota Prius ឆ្នាំ ២០១០ មានកម្លាំងម៉ាស៊ីន ១,៨ មានស៊ីឡាំង ៤ បន្ថែមជាមួយនឹងម៉ូទ័រអគ្គិសនី អាចបង្កើនកម្លាំងសរុបបាន ១៣៤ សេះ។
កម្រិតស៊ីសាំងបើកក្នុងក្រុង ១០០ គ.ម ស៊ីប្រហែល ៤,៦ លីត្រ និងក្រៅក្រុង ១០០ គីឡូម៉ែត្រស៊ីសាំង ៤,៩ លីត្រ។

ចំណែក Prius ស៊េរីឆ្នាំ ២០១២ និង ២០១៣ ដែលកំពុងនាំចូលមកលក់ដែរតាមប្រភពពីឃ្លាំង Y168 មានសម្រាប់ស៊េរីឆ្នាំ ២០១២ មានតម្លៃប្រមាណជា ២៧ ៥០០ ដុល្លារ និងស៊េរីឆ្នាំ ២០១៣ មានតម្លៃប្រមាណជា ២៩ ០០០ ដុល្លារ ជាប្រភេទ Hafl Full ពណ៌ស៕