- 2018-09-21 12:25:44
- ព័ត៌មាន
ជោគជ័យសឹងអី សេដ្ឋី Jack Ma ស្រាប់តែប្រាប់មូលហេតុមិនឲ្យក្មេងៗជំនាន់ក្រោយ កុំយកលោកជាគំរូ
- 2018-09-21 12:25:44
- ចំនួនមតិ 0 | ចំនួនចែករំលែក 0
ជោគជ័យសឹងអី សេដ្ឋី Jack Ma ស្រាប់តែប្រាប់មូលហេតុមិនឲ្យក្មេងៗជំនាន់ក្រោយ កុំយកលោកជាគំរូ
ចន្លោះមិនឃើញ
ស្ថាបនិកក្រុមហ៊ុន Alibaba លោក Jack Ma ត្រូវបានទទួលស្គាល់ជាបុគ្គលជោគជ័យមួយរូបក្នុងវិស័យធ្វើជំនួញទូទាំងសកលលោក។ យ៉ាងណាមិញលោកបែរជាមិនចង់ឲ្យនរណាម្នាក់យកគំរូតាមភាពជោគជ័យនេះ ពោលឲ្យតែមានមនុស្សនឹកដល់ឈ្មោះលោក មានតែបន្ថែមភាពសោកសៅដល់រូបលោកទៅវិញ។
ថ្លែងក្នុងកិច្ចវេទិកាសេដ្ឋកិច្ចពិភពលោកកាលពីថ្ងៃព្រហស្បតិ៍បុរសមានវ័យ ៥៤ ឆ្នាំមានប្រសាសន៍ថា៖ "ពេលដែលនិយាយដល់ឈ្មោះ Jack Ma អ្នកត្រូវក្ដោបក្ដាប់អត្ថន័យដោយខ្លួនឯង ព្រោះនោះមិនសំដៅលើខ្ញុំសុទ្ធសាធនោះទេ សម្រាប់ខ្ញុំត្រឹមតែជាមនុស្សសាមញ្ញម្នាក់មានដើមកំណើតនិងធំធាត់ឡើងនៅទីក្រុង Hangzhou ប្រទេសចិន"។
លោកសង្កត់ធ្ងន់ថាពេញចិត្តនឹងការឲ្យតម្លៃលើលោក ប៉ុន្តែពុំបានចាត់ទុកខ្លួនលោកជាវីរបុរសឬបុគ្គលសំខាន់អ្វីនោះឡើយ ពោលគឺមិនចង់ឲ្យនរណាម្នាក់ដើរតាមគន្លងលោក និងចង់ឲ្យមនុស្សព្យាយាមដើរតាមផ្លូវរបស់ខ្លួនឯង។
អតីតគ្រូបង្រៀនភាសាអង់គ្លេសក៏បន្ថែម៖ "យើងចាំបាច់ត្រូវដឹងពីអ្នកដទៃ តែអ្វីដែលសំខាន់ជាងនេះគឺស្គាល់ពីខ្លួនឯងឲ្យបានច្បាស់ នេះទើបជាសារៈសំខាន់នៃការអប់រំ ជារួមត្រូវធ្វើជាខ្លួនឯង មិនមែនធ្វើជា Jack Ma ទេ"។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
