ក្តៅៗ! GoPro Hero 7 ចេញផ្លូវការហើយ បន្ថែមមុខងារថ្មីច្រើន តែតម្លៃរក្សានៅដដែល(វីដេអូ)

2018-09-20 14:30:00
ផលិតផលថ្មី

2018-09-20 14:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រុមហ៊ុន GoPro ទើបតែប្រកាសជាផ្លូវការនូវប្រភេទ Action Camera ជំនាន់ថ្មី ម៉ូឌែល Hero 7 ស្ថិតក្នុងជម្រើសពណ៌ស ទឹកប្រាក់ និងខ្មៅ ត្រៀមដាក់លក់នាថ្ងៃទី ២៧ កញ្ញាស្ថិតក្នុងតម្លៃ ១៩៩/២៩៩/៣៩៩ ដុល្លារ ។

ជំនាន់ Black បន្តប្រើប្រាស់អង្គគណនាដូចមានលើ GoPro ឆ្នាំទៅ ដោយផ្តល់សមត្ថភាពនូវការថតវីដេអូកម្រិត 4K លក្ខខណ្ឌ 60fps Super Slow Motion ជាមួយមុខងារការអនុញ្ញាតឲ្យផ្សាយផ្ទាល់ទៅខាងក្រៅ មុខងារ Hyperlapse-style (ការថត Time-lapse) និងការពង្រឹងខ្លាំងបំផុតលើមុខងារទប់លំនឹង។

វិមាត្រតួខ្លួនទាំងស្រុងប្រហែលគ្នាធៀបនឹង Hero 5/Hero 6 Black បែបនេះអ្នកក៏អាចប្រើគ្រឿងបរិក្ខារឬឧបករណ៍ជំនួយបានតែមួយដូចគ្នា។ ដោយគាំទ្រមុខងារការពារជម្រាបទឹកមកពីនាយ ជំនួយឲ្យអេក្រង់ LCD កាន់តែមានភាពរហ័ស អមមុខងារបញ្ជាដោយសំឡេង Voice Control បន្សំថាមពលថ្មនៅដដែល។

ការអភិវឌ្ឍលើអង្គគណនា GP1 រយៈពេល ១ ឆ្នាំពេញជំរុញឲ្យ Hero 7 Black មានការបន្ថែមទំហំ RAM ធំជាងមុន ក៏នឹងជួយឲ្យល្បឿនដំណើរការមានភាពប្រសើរឡើងធៀបនឹងជំនាន់សិស្សប្អូន។ មុខងារទប់លំនឹងបែប Digital Image Stabilization ជំនាន់ថ្មីឲ្យឈ្មោះថា Hypersmooth មិនថាតែការថតអំឡុងពេលរត់ឬធ្វើសកម្មភាពណាមួយ សឹងតែអ្នកប្រើពុំចាំបាច់ភ្ជាប់ Mount ឬឧបករណ៍ជំនួយទៀតនោះទេ។

ដូចបញ្ជាក់ពីខាងលើ Hero 7 ក៏អាចផ្សាយផ្ទាល់ទៅកាន់បណ្តាញសង្គម Facebook, Twitch, YouTube ឬ Vimeo តាមរយៈការភ្ជាប់ជាមួយប្រព័ន្ធអ៊ីនធឺណិតស៊ីមលើទូរសព្ទ។ ក្រៅពីនោះការពង្រឹងលើការថត Time-lapse ឲ្យឈ្មោះ TimeWarp និងមុខងារ SuperPhoto ដំណើរការដូច Smart HDR មានលើស្មាតហ្វូនកំពូល Google Pixel និង iPhone ជំនាន់ក្រោយ។

ក្នុងទំហំចាប់យករូបភាពនូវកម្រិត 12MP អនុញ្ញាតឲ្យប្រើប្រាស់ក្នុងជម្រើសការថត RAW និងផ្តិតបែបរូបភាពបញ្ឈរគាំទ្រការពេញនិយមលើបណ្តាញសង្គម Instagram ខណៈ Hero 7 Black ដដែលនឹងអាចថតវីដេអូ 4K លក្ខខណ្ឌ 60fps ស្របពេល 2,7K លក្ខខណ្ឌ 120 fps និង 1 080p ហក់ដល់ 240fps។

ប៉ុន្តែជំនាន់ Hero 7 White និង Silver ថ្វីបើមានតម្លៃថោកជាង Black ប៉ុន្តែពុំប្រើប្រាស់ឈីបជំនាន់ក្រោយ GP1 មួយផ្សេងទៀតប្រភេទថ្មភ្ជាប់ក្នុងម៉ាស៊ីនមិនអាចដោះដូរបាននិងមិនគាំទ្រជាមួយឧបករណ៍ Karma Grip បូកផ្សំសមត្ថភាពថតវីដេអូក៏បានត្រឹម 4K លក្ខខណ្ឌ 30fps និងរូបភាពកម្រិត 10MP (Hero 7 Silver) ហើយក៏កាន់តែទាបបំផុតដល់ 1 440p សម្រាប់ Hero 7 White។