- 2018-09-05 02:09:42
- ព័ត៌មាន
Amazon ក្លាយជាក្រុមហ៊ុនអាមេរិកទី ២ មានតម្លៃ ១ ទ្រីលានដុល្លារ
- 2018-09-05 02:09:42
- ចំនួនមតិ 0 | ចំនួនចែករំលែក 0
Amazon ក្លាយជាក្រុមហ៊ុនអាមេរិកទី ២ មានតម្លៃ ១ ទ្រីលានដុល្លារ
ចន្លោះមិនឃើញ
ក្រុមហ៊ុនលក់ទំនិញ Amazon បានកើនឡើងតម្លៃដល់ ១ ទ្រីលានដុល្លារកាលពីម្សិលមិញនេះ ក្រោយពីតម្លៃហ៊ុនរបស់ខ្លួនកើនឡើង ២% ពោលមានតម្លៃ ២ ០៥០ ដុល្លារក្នុងមួយហ៊ុន។
តម្លៃរបស់ Amazon មានកំណើនខ្លាំងនៅឆ្នាំ ២០១៨ នេះ ដោយកាលពីដើមឆ្នាំក្រុមហ៊ុនលក់ទំនិញមួយនេះ មានតម្លៃត្រឹម ៥៨០ ពាន់លានដុល្លារប៉ុណ្ណោះ។ នៅត្រីមាសទីពីរឆ្នាំ ២០១៨ ចំណូលរបស់ Amazon ហក់ឡើងដល់ ២,៥ ពាន់លានដុល្លារ ធៀបនឹង ១៩៧ លានដុល្លារនៅត្រីមាសទីពីរឆ្នាំ ២០១៧។
តាមរយៈការឡើងតម្លៃហ៊ុននេះ ក៏បានធ្វើឲ្យទ្រព្យសម្បត្តិរបស់លោក Jeff Bezos ដែលជាអ្នកបង្កើត និងជានាយកប្រតិបត្តិ Amazon មានការកើនឡើងដូចគ្នា។ ក្នុងរយៈពេលត្រឹម ១ ថ្ងៃ ទ្រព្យសម្បត្តិលោក Jeff Bezos កើនឡើង ២ ពាន់លានដុល្លារ សរុប ១៦៨ ពាន់លានដុល្លារ ជាមហាសេដ្ឋីមានជាងគេក្នុងលោក។
Amazon ជាក្រុមហ៊ុនទីបីក្នុងលោកដែលមានតម្លៃ ១ ទ្រីលានដុល្លារ។ ក្រុមហ៊ុនពីរទៀតដែលមានតម្លៃ ១ ទ្រីលានដុល្លារគឺ PetroChina (ឆ្នាំ ២០០៧) និង Apple (ឆ្នាំ ២០១៨)៕