- 2018-08-24 15:03:04
- ផលិតផលថ្មី
ថ្លៃជិត ២ ០០០ ដុល្លារទូសម្អាតសំលៀកបំពាក់ Samsung Air Dresser មានអ្វីពិសេសខ្លះ?
- 2018-08-24 15:03:04
- ចំនួនមតិ 0 | ចំនួនចែករំលែក 0
ថ្លៃជិត ២ ០០០ ដុល្លារទូសម្អាតសំលៀកបំពាក់ Samsung Air Dresser មានអ្វីពិសេសខ្លះ?
ចន្លោះមិនឃើញ
កាលពីថ្មីៗនេះក្រុមហ៊ុន SAMSUNG Electronic ទើបណែនាំនូវឧបករណ៍ថែរក្សាសំលៀកបំពាក់ជំនាន់ថ្មីរបស់ខ្លួន ត្រៀមដាក់លក់លើទីផ្សារកូរ៉េនាខែកញ្ញា ថ្លៃចន្លោះពី ១ ៥៥០ ទៅ ១ ៧៧០ ដុល្លារ ។ ក្នុងតម្លៃល្មមនឹងទិញបានម៉ូតូមួយគ្រឿង ក៏មានអតិថិជនមួយចំនួននៅងឿងឆ្ងល់តើទូពិសេសនេះអាចផ្តល់អត្ថប្រយោជន៍អ្វីបានខ្លះ?
Air Dresser ផ្តោតលើការសម្អាតសំលៀកបំពាក់តាមរបៀប ៤ យ៉ាង ដោយឆ្លងកាត់ ប្រព័ន្ធហាលខ្យល់ ចំហុយ សម្ងួត និងបន្សុទ្ធ ។ ប្រធានផ្នែកលោក Hyun-Suk Kim របស់ SAMSUNG Electronic បានមានប្រសាសន៍ថា៖ "ក្រុមហ៊ុនខ្លួនបានដឹកនាំទីផ្សារជាមួយផលិតផលពោរពេញដោយភាពច្នៃប្រឌិត IoT ភាពជាអ្នកដឹកនាំ និងរបៀបរស់នៅក្នុងសតវត្សថ្មី ដែលពុំធ្លាប់មានក្នុងពិភពលោក"។
ឧបករណ៍នេះរចនាស្រដៀងនឹងទូដាក់សំលៀកបំពាក់ខ្នាតតូច ភ្ជាប់ដោយដែកព្យួរចំនួន ៣ ដោយដែកពិសេសនេះថ្ពក់ជាមួយសំលៀកបំពាក់អនុញ្ញាតឲ្យមានការចាប់សម្អាតទាំងផ្នែកខាងក្នុងនិងខាងក្រៅ។ ខ្យល់និងចំហាយទឹកត្រូវបាញ់ពេញបរិវេណសំលៀកបំពាក់ ដោយចេញពីកំពូលនិងបាតដើម្បីកម្ចាត់ធូលីនិងក្លិនអាក្រក់។
បង្ហើបពី SAMSUNG ផ្ទាល់ ឧបករណ៍នេះអាចសម្អាតធូលីបាន ៩៩ ភាគរយក្នុងរយៈពេល ២៥ នាទី គួបផ្សំប្រព័ន្ធបន្សុទ្ធដ៏ទំនើបជួយឲ្យការកម្ចាត់បាក់តេរីនិងមេរោគងាយបង្កគ្រោះថ្នាក់ទទួលបានប្រសិទ្ធភាពខ្ពស់បំផុត។
យោងតាមសារព័ត៌មាន The Korea Herald ធូលីក៏ជាបញ្ហាសុខភាពដ៏ចម្បងមួយក្នុងប្រទេសកូរ៉េខាងត្បូង ដោយលោក Choi Cheon-woong សាស្ត្រាចារ្យវេជ្ជសាស្ត្រប្រចាំសកលវិទ្យាល័យ Kyun Hee ទទួលស្គាល់ដែរថា Air Dresser ពិតជានឹងផ្តល់ប្រយោជន៍សម្រាប់សុខភាពអ្នកប្រើប្រាស់ពិតមែន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: