• 2018-06-24 00:02:00
  • ព័ត៌មាន

Metfone ឆ្លើយតប​ភ្លាមៗ ក្រោយ​មាន​ការ​ព្រមាន

  • 2018-06-24 00:02:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Metfone បាន​អះអាង​ការ​បញ្ចប់​ទាំង​ស្រុង​ការ​គ្រប់គ្រង​​ស៊ីម​គ្មាន​អត្តសញ្ញាណ​សម្គាល់ បន្ទាប់ពីនិយ័តករ​ទូរគមនាគមន៍​កម្ពុជា​ បាន​ចេញការ​ព្រមាន​​ធ្ងន់ៗ​ដល់​ប្រតិបត្តិករ​ទាំង​អស់​​ត្រូវ​អនុវត្ត​ ដោយមិនអនុគ្រោះ។

លោក ញ៉ុន ឌិនថន អគ្គនាយក​រង​ក្រុមហ៊ុន Metfone ដែល​មាន​អ្នកប្រើប្រាស់​ជាង ៨ លាន​នាក់​​ប្រាប់​ថា ក្រុមហ៊ុន​បាន​បញ្ចប់​ស្ទើរ​តែ​ ១០០ ភាគរយ លើការ​គ្រប់គ្រង​​ការ​ប្រើប្រាស់​ស៊ីម​របស់​អតិថិជន​ដែលគ្មាន​ឯកសារ​។

"គិត​មក​ទល់ពេលនេះ​ មិនមានទៀត​ទេ​ស៊ីម​ដែល​គ្មាន​ឯកសារ​ឬ​អត្តសញ្ញាណ​ច្បាស់លាស់​នៅ​បន្ត​ប្រើប្រាស់ទៀត​នោះ​"។

អ្នក​គ្រប់គ្រង​នេះ​បាន​បញ្ជាក់​ថា ក្រុមហ៊ុន​បាន​ចាត់​វិធានរឹត​បន្តឹង​ដល់​ភ្នាក់​ងារ​លក់​តាមទី​សាធារណៈ និង​​ការ​ជួប​ដោះស្រាយ​​ដោយ​ផ្ទាល់​ជាមួយ​អតិថិជន ដើម្បី​ឲ្យពួកគេ​​មក​បំពេញ​ឯកសារ​ បើ​មិន​ចឹង​ទេនឹង​ប្រឈម​ការ​ផ្តាច់ពីប្រព័ន្ធ​តែ​ម្តង។

និយតករ​កម្ពុជា​បាន​ចេញ​ឱស្សានុវាទ ដល់​ក្រុមហ៊ុន​ទូរសព្ទ​ទាំង​អស់​ត្រូវ​បញ្ឈប់​ជា​បន្ទាន់ ការ​បន្ត​លក់​ស៊ីម​ដែល​គ្មាន​ឯកសារ​អត្តសញ្ញាណ ដោយ​មានការ​ព្រមានធ្ងន់ៗ អាច​ឈានដល់ការ​ប្រឈមមុខ​ចំពោះ​ផ្លូវ​ច្បាប់។ ក្នង​នោះ​បាន​ណែនាំ​​ឲ្យ​ក្រុមហ៊ុន​ត្រូវ​លុប​ចោល​ជា​បន្ទាន់​ រាល់​ស៊ីម​ទូរសព្ទ​ទាំង​ឡាយ​ណា​ ដែល​មិន​មាន​ឯកសារ​សម្គាល់​មិន​ឲ្យ​សេសសល់​នៅ​ក្នុង​ប្រព័ន្ធ​ឲ្យ​បាន​មុន​ថ្ងៃ ០១ កក្កដា៕

ការ​ប្រើប្រាស់​ស៊ីម​ដែលគ្មានអត្តសញ្ញាណ​​ច្បាស់លាស់​ងាយ​បង្ក​ដល់​​ឧក្រិដ្ឋជន​មួយ​ចំនួន បាន​ប្រើប្រាស់​បណ្ដាញ​ទូរសព្ទ​ធ្វើសកម្មភាព​ប្រព្រឹត្តិ​បទ​ឧក្រិដ្ឋ ដែល​ធ្វើ​ឲ្យ​សមត្ថកិច្ច​ពិបាក​កំណត់​អត្តសញ្ញាណ​ជនល្មើស។

តាម​របាយការណ៍​ពី​ក្រសួង​ប្រៃសណីយ៍​និង​ទូរគមនាគមន៍ មក​ទល់ពេល​នេះ​មាន​ស៊ីម​ទូរសព្ទ​ជាង ១៨ លាន​កំពុង​ប្រើប្រាស់ ក្នុង​ចំណោម​ក្រុមហ៊ុន​ទាំង ១៧ កំពុង​ដំណើការ​ផ្តល់​សេវា​សម្រាប់​អតិថិជន៕

ចុច​អាន​ព័ត៌មានបន្ត៖

អត្ថបទ៖ ប៊ុណ្ណារ៉ា

មតិយោបល់