WSAPPX ជាអ្វី? ម្តេចបានវាប្រើ Disk និង CPU ច្រើនក្នុង Windows 10?

2017-12-15 02:00:28
គន្លឹះ

2017-12-15 02:00:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកធ្លាប់អូសមើលបញ្ជី Process ដំណើរការក្នុង Task Manager អ្នកប្រហែលជាឃើញមាន WSAPPX ដែលមានឈ្មោះចម្លែក ប្រើធនធាន CPU និង Disk ច្រើនក្នុង Windows។ កុំព្យូទ័រអ្នកប្រហែលប្រែជាមានល្បឿនយឺតពេលវា Active។

អ្វីទៅជា WSAPPX?

WSAPPX ជាដំណើរការមួយដែលទទួលខុសត្រូវចំពោះ កម្មវិធីលក្ខណៈ Universal (ប្រើបានច្រើនជាងមួយ Platform) និង Microsoft Store ក្នុង Windows 8 និង 10។ កម្មវិធីលក្ខណៈ Universal មិនមានលើ Windows 7 និងជំនាន់ពីមុនៗនោះទេ ដូច្នេះអ្នកនឹងមិនឃើញដំណើរការនេះលើជំនាន់ Windows ទាំងនោះឡើយ។

អ្នកអាចមើលដំណើរការនេះដោយបើក Task Manager (ចុចលើ Ctrl + Shift + Esc) រួចជ្រើសរើស Tab ឈ្មោះ Processes រួចអូសដល់ក្រោម។

ដំណើរការនេះមានដំណើរការរងពីរដែលអ្នកអាចចុចមើលវាក្នុង Task Manager បាន។ លើ Windows 8 មានដំណើរការរងឈ្មោះ WSService ឬ Windows Store Service ហើយលើ Windows 10 ឈ្មោះ ClipSVC ឬ Client License Service។ ទាំងលើ Windows 10 និង 8 ក៏មាននូវ AppXSVC និង AppX Deployment Service ផងដែរ។

ដំណើរការទាំងនេះធ្វើអ្វីខ្លះ

ទាំង ClipSVC និង WSService ផ្តល់នូវការគាំទ្ររចនាសម្ព័ន្ធសម្រាប់ Microsoft Store ដូចនេះប្រសិនបើអ្នកបិទដំណើរការពួកវា កម្មវិធី Store នឹងមិនដំណើរការ ដោយសារដំណើរការទាំងនេះទទួលខុសត្រូវចំពោះ Licensing (អាជ្ញាប័ណ្ណ)។ ពួកវាត្រូវបានរចនាឡើងដើម្បីការពារការយាយីឯកជនភាពសម្រាប់កម្មវិធីលើ Windows Store។

ដំណើរការផ្សេងទៀត AppXSVC ទទួលខុសត្រូវចំពោះការ Deploy (ដាក់កម្មវិធីក្នុង Store) កម្មវិធី ដែលមានន័យថាវាដំណើរការគ្រប់ពេលអ្នកដំឡើង លុប ឬកំណែទម្រង់កម្មវិធីលើ Store។ ឈ្មោះរបស់វាបានពី File extension សម្រាប់កម្មវិធី Store គឺ AppX។ ជាធម្មតា កម្មវិធី Desktop ពីមុនដំណើរការដោយ File បញ្ចប់ក្នុងទម្រង់ EXE។

ដូចទៅនឹងកម្មវិធី Android ដោយមាន File extension APK ដែរ អ្នកអាចយក File AppX ពីគ្រប់ទីកន្លែងសម្រាប់ដំឡើងលើ PC អ្នក ប៉ុន្តែប្រយ័ត្នបើកចំកម្មវិធីមានមេរោគ (Malware)។ ដោយសារដំណើរការរងទាំងនេះដំណើរការក្រោមដំណើរការសំខាន់ WSAPPX អ្នកនឹងឃើញការប្រើប្រាស់ធនធានកើនឡើង ពេលមួយក្នុងចំណោមនោះដំណើរការ (Active)។

ហេតុអ្វីបានជា WSAPPX ប្រើធនធាន (Disk និង CPU) ច្រើនម្ល៉េះ

ភាគច្រើនអ្នកនឹងឃើញ WSAPPX Active ពេលអ្នកប្រើ Microsoft Store ដោយបើកធម្មតា ចុចចុះចុចឡើង ដំណើរការនេះនឹងចាប់ផ្តើម។ ពេលទាញយកកម្មវិធី ឬដំឡើងកំណែទម្រង់កម្មវិធី វានឹងប្រើធនធានកាន់តែច្រើន។ ពេលអ្នកដំឡើងកម្មវិធី Desktop (EXE) ដំណើរការដំឡើងនេះក៏ប្រើប្រាស់ធនធានច្រើនដែរ។ យ៉ាងណាមិញ ជំនួសការដំណើរការក្រោម Process WSAPPX អ្នកនឹងឃើញមានកម្មវិធីថ្មីប្រើនូវ CPU និង Disk។

ប្រសិនបើអ្នកមិនធ្លាប់ប្រើ Microsoft Store ឬ កម្មវិធីលក្ខណៈ Modern តែអ្នកនៅតែឃើញ WSAPPX active ព្រោះមានកម្មវិធីធ្វើកំណែទម្រង់ក្នុង Background ប៉ុន្តែអ្នកអាចការពារចំនុចនេះបាន។

របៀបបិទកម្មវិធី Store ពីការធ្វើកំណែទម្រង់ដោយស្វ័យប្រវត្តិ

អ្នកវាយបញ្ចូលពាក្យ Store ក្នុង Start Menu ហើយបើក Microsoft Store។ អ្នកចុចលើ Menu មានចំនុចបីគ្រាប់នៅជ្រុងខាងស្តាំផ្នែកខាងលើ បន្ទាប់មកចុច Settings។ ក្នុង Settings menu អ្នកអាចបិទបើកធ្វើកំណែទម្រង់ដោយស្វ័យប្រវត្តិត្រង់ Update apps automatically។

ដើម្បីត្រួតពិនិត្យសម្រាប់កំណែទម្រង់ដោយខ្លួនឯង អ្នកចុចលើប៊ូតុង Menu ម្តងទៀត ហើយជ្រើសរើស Downloads and updates រួចចុចលើប៊ូតុង Get updates ដើម្បីត្រួតពិនិត្យកំណែទម្រង់ថ្មី និងដំឡើងតែម្តង។

លុបនូវ កម្មវិធីលែងប្រើ និងបញ្ឈប់កម្មវិធីដំណើរការក្នុង Background

ខណៈពេលអ្នកមិនគួរបិទការធ្វើកំណែទម្រង់ដោយស្វ័យប្រវត្តិ អ្នកអាចធ្វើតាមវិធីនេះដើម្បីការពារកម្មវិធី Store ពីការដំណើរការ ពេលអ្នកមិនចង់។

ដំបូងលុបនូវកម្មវិធីអ្នកលែងប្រើ ពីប្រព័ន្ធអ្នក។ ដូចអ្នកដឹង Windows 10 មាននូវ Candy Crush Saga ដំឡើងរួចជាស្រេច។ ប្រសិនបើអ្នកមិនធ្លាប់លេងហ្គេមនេះ អ្នកមិនចង់ឲ្យវាធ្វើកំណែទម្រង់ក្នុង Background ដែលចំណាយនូវធនធានអត់ប្រយោជន៍។ អ្នកអាចចូលទៅកាន់ Settings > Apps > Apps & features ដើម្បីពិនិត្យមើលអ្វីអ្នកបានដំឡើងលើ PC។ អ្នកចុចលើកម្មវិធី ហើយជ្រើសរើស Uninstall ដើម្បីលុបវាចោល។