- 2017-09-01 04:10:32
- ព័ត៌មាន
Twitter បិទគណនីបុរសម្នាក់ដែលគំរាមសម្លាប់មូស
- 2017-09-01 04:10:32
- ចំនួនមតិ 0 | ចំនួនចែករំលែក 0
Twitter បិទគណនីបុរសម្នាក់ដែលគំរាមសម្លាប់មូស
ចន្លោះមិនឃើញ
ស្របពេលដែល Twitter កំពុងខិតខំដោះស្រាយបញ្ហាប្រមាថលើអនឡាញ និង ទប់ស្កាត់អំពើភេរវកម្មលើបណ្ដាញរបស់ខ្លួន បណ្ដាញទំនាក់ទំនងសង្គមមួយនេះបានបិទគណនីបុរសម្នាក់ដែលបានធ្វើការគំរាមសម្លាប់សត្វមូស។
ការបិទគណនីនេះ ក្រោយពីបុរសសញ្ជាតិជប៉ុនដែលមានគណនី Twitter ឈ្មោះថា @nemuismywife បានសម្ដែងអារម្មណ៍ខឹងដោយសារត្រូវមូសខាំជាច្រើនលើកច្រើនសា។ បុរសរូបនោះបានបង្ហោះសារមានអត្ថន័យថា ៖ "អាចង្រៃ! ម៉េចបានចេះតែមកខាំយើងពេញខ្លួនពេលដែលយើងកំពុងសម្រាកមើលទូរទស្សន៍បែបនេះ? ស្លាប់ទៅ!”។ មិនតែប៉ុណ្ណោះក៏មានភ្ជាប់ជាមួយរូបភាពសាកសពរបស់សត្វមូសផងដែរ។
បង្ហោះសារនេះរួច Twitter បានផ្ដល់ជា Notification (ដំណឹង) ថាគណនីបុរសខាងលើត្រូវបានបិទជាអចិន្ត្រៃយ៍ ហើយមិនអាចបើកឡើងវិញបានឡើយ។ Notification បានសរសេរថា ៖ "Tweets ដែលមានការគំរាមកំហែងមិនត្រូវបានអនុញ្ញាតក្រោមលក្ខណរបស់យើងឡើយ។ គណនីនេះមិនអាចបើកឡើងវិញបានឡើយ។ អរគុណសម្រាប់ការយោគយល់”។
មិនអស់ចិត្តបុរសខាងលើបានបង្កើតគណនីថ្មីឈ្មោះថា @DaydreamMatcha ដើម្បីបង្ហោះសារពីរឿងរ៉ាវដ៏គួរឲ្យអស់សំណើចរបស់ខ្លួន។ សារដែលបង្ហោះមានអត្ថន័យថា ៖ "គណនីខ្ញុំត្រូវបានបិទជាអចិន្ត្រៃយ៍ក្រោយពីខ្ញុំនិយាយថាបានសម្លាប់មូស...នេះជាការល្មើសច្បាប់ដែរ?”។ បញ្ហានេះមិនឃើញមានការឆ្លើយតបពី Twitter នៅឡើយទេ ហើយសារថ្មីដែលបុរសសញ្ជាតិជប៉ុនបង្ហោះនេះត្រូវបានគេចែកចាយតៗគ្នាលើ Twitter រាប់ម៉ឺននាក់ឯណោះ៕