- 2017-06-08 03:45:01
- ព័ត៌មាន
Huawei ជាប់ចំណាត់ថ្នាក់ជាម៉ាកមានតម្លៃបំផុតលំដាប់ពិភពលោក
- 2017-06-08 03:45:01
- ចំនួនមតិ 0 | ចំនួនចែករំលែក 0
Huawei ជាប់ចំណាត់ថ្នាក់ជាម៉ាកមានតម្លៃបំផុតលំដាប់ពិភពលោក
ចន្លោះមិនឃើញ
ថ្មីៗនេះទស្សនាវដ្ដី Forbes របស់សហរដ្ឋអាមេរិក បានបង្ហាញតារាងឈ្មោះម៉ាកមានតម្លៃលំដាប់ពិភពលោកទាំង១០០ ប្រចាំឆ្នំា ២០១៧ បន្ទាប់ពីវាយតម្លៃម៉ាកជាង ២០០ មកពីជុំវិញពិភពលោក។ ក្នុងចំណោមនោះម៉ាកមានតម្លៃល្បីៗទាំង ១០០ លំដាប់ពិភពលោកក្រុមហ៊ុន Huawei ឈរនៅលេខរៀងទី ៨៨ ជាម៉ាកលំដាប់កំពូលខាងផ្នែកបច្ចេកវិទ្យា និងជាក្រុមហ៊ុនទីមួយរបស់ចិនក្នុងតារាង ។
រង្វាយតម្លៃនៃម៉ាក គឺអាស្រ័យលើ រូបិយវត្ថុខ្ពស់បំផុតនៃម៉ាកនីមួយៗ ហើយក្លាយជាតម្រូវការចំាបាច់របស់អ្នកប្រើប្រាស់ និងមានឥទ្ធិពលតម្លៃខ្ពស់ខ្លាំង។
ទស្សនាវដ្ដី Forbes បានធ្វើការវាយតម្លៃលើម៉ាកដោយផ្អែកលើ ប្រាក់ចំណូលច្រើនផ្នែកជាមធ្យម ក្នុងរយៈពេល ៣ឆ្នាំ នៅក្នុងវិស័យឩស្សាហកម្មផ្សេងៗគ្នាពីខ្ពស់ទៅទាប ដើម្បីចម្រាញ់យកម៉ាកដែលមានតម្លៃបំផុតចុងក្រោយ។
Huawei មានតម្លៃម៉ាក ៧,៣ ពាន់លានដុល្លារសហអាមេរិក ដែលជាការកើនឡើងនៃពាណិជ្ជកម្ម នៅបរទេសដែលបច្ចុប្បន្ននេះ វិស័យស្មាតហ្វូនរបស់ Huawei ឈរលំដាប់លេខ ៣ ស្នើនឹង ៩,៣ ភាគរយនៃចំណែកទីផ្សារស្មាតហ្វូនសកល។
កំពូលអធិរាជស្មាតហ្វូន Huawei P10 ស៊េរីចុងក្រោយរបស់ក្រុមហ៊ុន Huawei គឺកំពុងចរាចរណ៍នៅលើទីផ្សារច្រើនជាង ៣០ ប្រទេសចាប់តាំងពីសម្ពោធជាផ្លូវការកាលពីថ្ងៃទី ២៦ ខែកុម្ភះ ឆ្នាំ ២០១៧ មកម្ល៉េះ។ ជាពិសេស Huawei P10 កំពុងមានប្រជាប្រិយភាពខ្លាំង ក្នុងចំណោមអ្នកប្រើប្រាស់នៅលើពិភពលោកដែលចូលចិត្ត និងចង់បានបទពិសោធន៍ថតរូបស្អាត។
ក្រៅពីទស្សនាវដ្ដី Forbes ក្រុមហ៊ុន Huawei ក៏មានឈ្មោះនៅក្នុងតារាង “ម៉ាកអន្តរជាតិទាំង ១០០” ចំណាត់ថ្នាក់លេខទី ៧២ ដែលជាម៉ាកល្អបំផុតលំដាប់ពិភពលោកក្នុងឆ្នាំ ២០១៦ ខណៈ Huawei ក៏ទទួលបានចំណាត់ថ្នាក់ទី ៥០ នៅលើតារាង “ម៉ាកដែលមានតម្លៃបំផុតជាសកលទាំង ១០០”។
លោក Richard Yu នាយកប្រតិបតិ្តនៃ Huawei Consumer Business Group បានបញ្ជាក់ថា “អរគុណសម្រាប់ការទទួលស្គាល់ជាសកលនៃផលិតផល និងម៉ាក Huawei។ ក្នុងឆ្នាំ ២០១៧ ក្រុមហ៊ុន Huawei CBG នឹងបន្ថយតម្រូវការរបស់អ្នកប្រើប្រាស់ជាចម្បង ហើយនឹងព្យាយាមជំរុញឲ្យ មានការអភិវឌ្ឍន៏នូវសមត្ថភាព ប្រព័ន្ធដឹកនាំលើបណ្ដាញអ្នកចែកចាយបន្ត ម្ចាស់ហាង ម៉ាក ផ្នែកទីផ្សារ និងសេវាកម្ម។ ជាមួយឆន្ទៈឆ្ពោះទៅមុខ ក្រុមហ៊ុន Huawei CBG នឹងបន្តនូវការអភិវឌ្ឍន៍ ទេពកោសលសិល្បៈច្នៃប្រឌិត ផ្នែកផលិតផល និងការច្នៃប្រឌិតបង្កើតថ្មី។ ឆន្ទៈទាំងនេះ នឹងផ្តល់ឲ្យអ្នកប្រើប្រាស់នូវ បទពិសោធន៏ដ៏ល្អឥតខ្ចោះ និងតម្រង់ឲ្យក្រុមហ៊ុន Huawei ក្លាយជាអ្នកនាំមុខខាងផ្នែកបន្សំបច្ចេកវិទ្យា ញុំាងឲ្យក្រុមហ៊ុនក្លាយជាម៉ាកបច្ចេកវិទ្យាដែលទទួលបានការស្រឡាញ់ចូលចិត្តពីអ្នកប្រើប្រាស់នៅលើពិភពលោក”៕