- 2016-03-04 14:30:20
- ព័ត៌មាន
ហេតុផល ៤ យ៉ាងបង្កើតភាពជឿជាក់ចាប់ជំនាញព័ត៌មានវិទ្យា
- 2016-03-04 14:30:20
- ចំនួនមតិ 0 | ចំនួនចែករំលែក 0
ហេតុផល ៤ យ៉ាងបង្កើតភាពជឿជាក់ចាប់ជំនាញព័ត៌មានវិទ្យា
ចន្លោះមិនឃើញ
ព័ត៌មានវិទ្យាជាជំនាញដែលប្រើខួរក្បាលគិតច្រើន រហូតដល់ពេលខ្លះដើរ ដេក អង្គុយក៏នៅតែនឹកឃើញជាប់ជានិច្ច។ និស្សិតជាច្រើនទទួលស្គាល់ថា ព័ត៌មានវិទ្យាជាជំនាញដ៏សែនឈឺក្បាល ដោយសារជំនាញនេះការសិក្សាត្រូវការការអនុវត្តជាប្រចាំ ការអត់ធ្មត់និងត្រូវមានគំនិតច្នៃប្រឌិតថ្មីជានិច្ច។ ហេតុនេះបើមិនមានគ្រឹះរឹងមាំអាចឈានទៅបោះបង់ការសិក្សាកណ្ដាលទី និងបរាជ័យក្នុងអាជីពការងារ។
យ៉ាងណានាយកគ្រប់គ្រងវិទ្យាស្ថានអប់រំឧត្តមសិក្សា STEP ដែលផ្តោតការបណ្ដុះបណ្ដាលលើជំនាញព័ត៌មានវិទ្យា លោកស្រី Nataly Rodionova បានលើកហេតុផល ៤ ដែលសិស្សនិស្សិតកម្ពុជាមិនគួរឲ្យខ្លាច ក្នុងការជ្រើសរើសជំនាញព័ត៌មានវិទ្យាសិក្សាដើម្បីអនាគតដ៏ត្រចះត្រចង់។
ហេតុផលទីមួយ លោកស្រីពន្យល់ថា ព័ត៌មានវិទ្យាចាប់ផ្ដើមវាយលុកស្ទើរគ្រប់វិស័យ ទាមទារចំនួនអ្នកចេះច្រើនដែលនេះបង្កើតឱកាសខ្ពស់សម្រាប់ការស្វែងរកការងារធ្វើ។ មូលហេតុទីពីរលោកស្រីបន្តថា អ្នកដែលមានឯកទេសព័ត៌មានវិទ្យាមិនត្រឹមតែត្រូវការក្នុងប្រទេសទេ ក៏អាចធ្វើការជាមួយក្រុមហ៊ុនអន្តរជាតិជាមួយការទទួលបានប្រាក់ខែខ្ពស់។
សម្រាប់មូលហេតុទីបី លោកស្រីថា ឧស្សាហកម្មព័ត៌មានវិទ្យាមានភាពទូលំទូលាយ ដែលធ្វើឲ្យអ្នកសិក្សាឆាប់ទទួលបានជោគជ័យនិងអាចក្លាយជាសេដ្ឋីទាំងវ័យក្មេង។
ចំណែកមូលហេតុទីបួន លោកស្រីបញ្ជាក់ថា អ្នកសិក្សាជំនាញព័ត៌មានវិទ្យាអាចរកឃើញភាពសប្បាយថ្មីក្នុងពិភពមួយទៀត និងអាចឈានទៅបង្កើតក្រុមហ៊ុនដោយខ្លួនឯង។
ចុចអាន៖ BMW 7 Series រថយន្តជំនាន់ថ្មីបច្ចេកវិទ្យាលេចធ្លោ រូបរាងរចនាប្រណិតពីក្នុងដល់ក្រៅ
អត្ថបទ៖ ប៊ុណ្ណារ៉ា