- 2020-04-08 01:22:51
- ព័ត៌មាន
ទូរសព្ទមានកាមេរ៉ា 192MP នឹងបង្ហាញមុខខែក្រោយនេះ
- 2020-04-08 01:22:51
- ចំនួនមតិ 0 | ចំនួនចែករំលែក 0
ទូរសព្ទមានកាមេរ៉ា 192MP នឹងបង្ហាញមុខខែក្រោយនេះ
ចន្លោះមិនឃើញ
ក្នុងប៉ុន្មានឆ្នាំចុងក្រោយនេះ សង្គ្រាមនៃទំហំមេហ្គាភីកសែលកាមេរ៉ាលើស្មាតហ្វូនបានវិលត្រឡប់មកវិញ ដោយក្រុមហ៊ុនទូរសព្ទបានបំពាក់កាមេរ៉ាមានមេហ្គាភីកសែលកាន់តែធំទៅៗមានចាប់ពី ៤៨MP, ៦៤MP និងរហូតដល់ ១០៨MP ហើយវាទំនងជាមិនចប់ត្រឹមនេះឡើយ។
អ្នកដែលតែងតែចែកចាយដំណឹងលេចធ្លាយជាញឹកញាប់ឈ្មោះ Digital Chat Station បានប្រាប់តាមរយៈគណនី Weibo របស់ខ្លួនថាស្មាតហ្វូនមានកាមេរ៉ាទំហំ ១៩២MP កំពុងត្រៀមខ្លួនប្រកាសចេញ ដោយលឿនបំផុតគឺប្រកាសចេញនាខែក្រោយនេះ។
ប្រភពខាងលើបញ្ជាក់ថាស្មាតហ្វូននោះ នឹងបំពាក់ជាមួយបន្ទះឈីប Snapdragon 765 ដែលមានន័យថាវាមិនមែនជា Flagship នោះទេ។ គួរដឹងថាបន្ទះឈីប Snapdragon 765 គឺពិតជាគាំទ្រកាមេរ៉ាទំហំដល់ ១៩២MP ប៉ុន្តែវាទ្រាំទ្រតែការថតរូបសន្លឹកធម្មតាប៉ុណ្ណោះ សម្រាប់ការថតរូប HDR និងការថតរូបច្រើនសន្លឹកបញ្ចូលគ្នាគេនៅមិនទាន់ដឹងនៅឡើយទេ។
ស្មាតហ្វូនដែលលេចឮថាត្រៀមប្រកាសចេញអំឡុងខែក្រោយនេះមានដូចជា LG ដែលគ្រោងប្រកាសចេញទូរសព្ទ 5G ប្រើឈីបពពួក Snapdragon 700-Series និងមាន Xiaomi ផងដែរ ដែលធ្លាប់ជាក្រុមហ៊ុនប្រកាសចេញទូរសព្ទមានកាមេរ៉ាទំហំ ៦៤MP និង ១០៨MP មុនគេ៕
