Google ប្រកាសមិនចូលរួមលេង April Fool's Day បង្ហោះលេងសើចដូចរាល់ឆ្នាំ

2020-03-31 06:03:07
ព័ត៌មាន

2020-03-31 06:03:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ឆ្នាំនៅថ្ងៃទី ១ មេសា គឺត្រូវបានគេកំណត់ជាថ្ងៃលេងសើចដែលមានការចែកចាយឬបង្ហោះព័ត៌មានមិនពិត ដែលនេះជាវប្បធម៌របស់ប្រទេសលោកខាងលិចបង្កើតឡើងអស់រយៈពេលជាច្រើនឆ្នាំមកហើយ។

ប៉ុន្តែសម្រាប់ឆ្នាំ ២០២០ នេះ ក្រុមហ៊ុន Google បានប្រកាសទុកជាមុន ថាមិនចូលរួមលេងសើចនោះឡើយ ពោលគឺចាត់ទុក April Fool's Day ដែលត្រូវធ្វើនៅថ្ងៃស្អែកជាថ្ងៃធម្មតា និងបន្តផ្តោតសំខាន់ទៅលើស្ថានភាពវឹកវររបស់ពិភពលោកនៃការរាតត្បាតវីរុស COVID-19 ជំនួសវិញ។

Google បានអំពាវនាវឲ្យជនគ្រប់រូបទាំងអស់ធ្វើការលើកពេលនៃថ្ងៃ April Fool's Day ទៅឆ្នាំក្រោយ ដើម្បីបង្ហាញជាការគោរពដល់អ្នកបានរងគ្រោះនៅអំឡុងពេល COVID-19 ផ្ទុះឡើងនៅឆ្នាំ ២០២០ នេះ។ ជារួមរាល់ព័ត៌មានចែកចាយនៅថ្ងៃទី ១ មេសាទាំងអស់ សូមជាព័ត៌មានពិត មិនក្លែងក្លាយ ជៀសវាងមានការភ័ន្តច្រឡំណាមួយធ្វើឲ្យប៉ះពាល់កាន់តែធ្ងន់ធ្ងរ។

រំឭកថាគិតត្រឹមព្រឹកថ្ងៃទី ៣១ មិនា ឆ្នាំ ២០២០ ករណីឆ្លង COVID-19 បានកើនឡើងសរុបដល់ ៧៨៥ ៩៧៩ ករណី ខណៈអ្នកស្លាប់មានដល់ ៣៧ ៨១០ ករណី និងជាសះស្បើយ ១៦៥ ៨៨៩ ករណី។ សហរដ្ឋអាមេរិក អ៊ីតាលី អេស្ប៉ាញ ចិន អាល្លឺម៉ង់ និងបារាំងសុទ្ធសឹងជាប្រទេសដែលទទួលផលប៉ះពាល់ខ្លាំងបំផុតដោយសារជំងឺដ៏សាហាវមួយនេះ៕

អានអត្ថបទ:

ប្រភព៖ techmoblog ប្រែសម្រួល៖ កៅ រក្សា