- 2020-03-23 02:34:07
- ព័ត៌មាន
Google ធ្វើឲ្យលោក ដូណាល់ ត្រាំ បាក់មុខមិនស្ទើរ!
- 2020-03-23 02:34:07
- ចំនួនមតិ 0 | ចំនួនចែករំលែក 0
Google ធ្វើឲ្យលោក ដូណាល់ ត្រាំ បាក់មុខមិនស្ទើរ!
ចន្លោះមិនឃើញ
កាលពីសប្ដាហ៍មុន លោក ដូណាល់ ត្រាំ ប្រធានាធិបតីអាមេរិក និងក្រុមការងាររបស់លោកបានប្រកាសថា Google កំពុងអភិវឌ្ឍន៍វិបសាយមួយសម្រាប់បង្ហាញអំពីវីរុសកូរ៉ូណាឲ្យពលរដ្ឋអាមេរិកទាំងអស់អាចប្រើប្រាស់បាន។ លោកបានអះអាងថាវិស្វកររបស់ Gogle ចំនួន ១ ៧០០ នាក់ បានធ្វើការលើគម្រោងការនេះ ហើយបានពន្យល់ថាវិបសាយនេះនឹងផ្ដល់ជូនអ្នកប្រើប្រាស់នូវសំនួរចម្លើយអំពីរោគសញ្ញារបស់ពួកគេ និងណែនាំពួកគេទៅកាន់ទីតាំងតេស្តរកវីរុសដែលនៅក្បែរជាដើម។
ការលើកឡើងរបស់ប្រធានាធិបតីរូបនេះ បានធ្វើឲ្យ Google វង្វេងវង្វាន់ ព្រោះថាវិបសាយដែលពួកគេកំពុងអភិវឌ្ឍន៍គឺមិនដូចអ្វីដែលលោក ដូណាល់ ត្រាំ បានរៀបរាប់នោះទេ។ "យើងបានចាប់ដៃគូជាមួយរដ្ឋាភិបាលអាមេរិក និងកំពុងអភិវឌ្ឍន៍វិបសាយមួយដែលផ្ដល់ការអប់រំអំពីកូវីដ១៩, ប្រាប់អំពីការទប់ស្កាត់ និងមានបញ្ចូលព័ត៌មានសំខាន់ៗដទៃទៀត។ ក្នុងនោះមានការទប់ស្កាត់ដ៏ល្អប្រសើរបំផុត ដែលភ្ជាប់ជាមួយព័ត៌មានពីអង្គការសុខភាពពិភពលោក និងទីភ្នាក់ងារប្រយុទ្ធប្រឆាំងជំងឺឆ្លង ហើយមានគន្លឹះមានប្រយោជន៍ រួមទាំងឧបករណ៍ពី Google សម្រាប់ការប្រើប្រាស់រៀងៗខ្លួន សម្រាប់គ្រូបង្រៀន និងអាជីវកម្មនានាផងដែរ។" នេះជាការលើកឡើងរបស់លោក Sundar Pichai នាយកប្រតិបត្តិ Google និង Alphabet ដែលលើកឡើងបន្ទាប់ពីការប្រកាសដ៏ភ្ញាក់ផ្អើលរបស់លោក ដូណាល់ ត្រាំ។
ពេលនេះដែរ Google បានដាក់ដំណើរការជាផ្លូវការនូវវិបសាយដែលខ្លួនបានអភិវឌ្ឍន៍ ហើយវាពិតជាមានបញ្ចូលនូវអ្វីដែលលោក Sundar Pichai បានរៀបរាប់ និងមិនដូចជាអ្វីដែលលោក ដូណាល់ ត្រាំ ឬក្រុមការងាររបស់លោកបានរៀបរាប់នោះឡើយ។
Google បានបញ្ជាក់ឲ្យដឹងដែរថាគ្រោងនឹងដាក់ដំណើរការវិបសាយនេះនៅក្នុងប្រទេសជាច្រើនទៀត ជាមួយភាសាផ្សេងៗគ្នាក្នុងរយៈពេលប៉ុន្មានថ្ងៃខាងមុខ។ ក្រុមហ៊ុនក៏នឹងធ្វើការអាប់ដេតវិបសាយជាញឹកញាប់នៅពេលដែលទទួលបានព័ត៌មានថ្មីៗផងដែរ៕