- 2020-02-26 07:03:03
- ព័ត៌មាន
ពូកឡាន Audi ថ្មី នឹងផលិតចេញពីដបប្លាស្ទិច
- 2020-02-26 07:03:03
- ចំនួនមតិ 0 | ចំនួនចែករំលែក 0
ពូកឡាន Audi ថ្មី នឹងផលិតចេញពីដបប្លាស្ទិច
ចន្លោះមិនឃើញ
ក្រុមហ៊ុន Audi មានគម្រោងផលិតពូករថយន្តរបស់ខ្លួនចេញពីដបប្លាស្ទិចដែលគេប្រើរួច ហើយម៉ូដែលដំបូងបង្អស់ត្រូវប្រើពូកប្រភេទនេះ គឺ A3 ស៊េរីឆ្នាំ២០២០ ដែលនឹងបង្ហាញខ្លួនឆាប់ៗនេះ។
រថយន្តប្រភេទ Sedan ខ្នាតតូចនេះ នឹងបំពាក់វាយនភ័ណ្ឌរបស់ខ្លួនដល់ទៅ ៨៩% ដែលផលិតចេញពីដបប្លាស្ទិច ខណៈ Audi បានអះអាងឲ្យដឹងថា ខ្លួនត្រូវប្រើដបប្លាស្ទិច ចំណុះ ១,៥លីត្រចំនួន ៤៥ដប ដើម្បីផលិតពូកអង្គុយមួយ។ បន្ថែមពីនេះ Audi នឹងប្រើដបប្លាស្ទិចចំនួន ៦២ដប ដើម្បីផលិតកម្រាលជើង។
ទោះជាយ៉ាងណា សារធាតុនេះមិនទាន់អាចយកមកផលិតកៅអីអង្គុយទាំងមូល លើរថយន្ត Audi A3 នៅឡើយទេ។
លោក Ute Gronheim មេផ្នែកវាយនភ័ណ្ឌសម្រាប់រថយន្ត Audi បាននិយាយថា "គោលដៅរបស់យើងគឺផលិតកៅអីរថយន្តទាំងមូល ចេញពីដបប្លាស្ទិចសុទ្ធ ដូច្នេះយើងអាចយកវាមកប្រើម្តងទៀត។ យើងស្ថិតនៅមិនឆ្ងាយពីគោលដៅនេះឡើយ”៕