- 2020-02-25 02:23:48
- ព័ត៌មាន
ទីបំផុតមហាសេដ្ឋីម្នាក់ បែកចិត្តពីទូរសព្ទតម្លៃ ២០ដុល្លារ មកប្រើ iPhone ម្ដង
- 2020-02-25 02:23:48
- ចំនួនមតិ 0 | ចំនួនចែករំលែក 0
ទីបំផុតមហាសេដ្ឋីម្នាក់ បែកចិត្តពីទូរសព្ទតម្លៃ ២០ដុល្លារ មកប្រើ iPhone ម្ដង
ចន្លោះមិនឃើញ
មហាសេដ្ឋី Warren Buffet វ័យ ៨៩ ឆ្នាំ ដែលទើបតែទិញយកភាគហ៊ុន ៥,៦% ពី Apple កាលពីពេលកន្លងទៅ បានប្រាប់សារព័ត៌មាន CNBC ថាលោកទើបតែប្ដូរពីទូរសព្ទបត់ Samsung Haven មកប្រើ iPhone 11 នាថ្មីៗនេះ។
ក្រោយពីបានប្រើទូរសព្ទបត់ដែលមានតម្លៃល្បាក់ ២០ ដុល្លារ កាលពីឆ្នាំ ២០១៩ រួចមក លោក Buffet បានបញ្ជាក់ថាបានចែកផ្លូវជាមួយវា ហើយស្រវាចាប់ស្មាតហ្វូនវិញ ប៉ុន្តែលោកមិនបានប្រាប់ថាប្រើ iPhone 11 ម៉ូដែលណាឡើយ។
លោកមហាសេដ្ឋីរូបនេះ និយាយថា iPhone ដែលលោកប្រើមិនមែនទិញដោយខ្លួនឯងនោះទេ ប៉ុន្តែគឺជាកាដូដែលមនុស្សជាច្រើនអ្នកបានផ្ដល់ឲ្យ ក្នុងនោះក៏មានលោក Tim Cook ម្នាក់ដែរ ដែលលោក Tim Cook ព្យាយាមជំរុញឲ្យលោក Buffet ប្ដូរប្រើផលិតផល Apple ជាច្រើនឆ្នាំមកហើយ។ លោក Tim Cook ធ្លាប់ប្រាប់ Bloomberg TV នៅឆ្នាំ ២០១៨ ថា រូបលោកអាចនឹងហោះទៅកាន់ Omaha (កន្លែងដែលលោក Buffet រស់នៅ) និងជួយលើបញ្ហាទាក់ទងនឹងបច្ចេកទេសដល់លោក Buffet ប្រសិនបើលោកត្រូវការ។
ត្បិតថាប្ដូរប្រើ iPhone មែន ប៉ុន្តែលោក Buffet និយាយថាប្រើប្រាស់ iPhone របស់ខ្លួនសម្រាប់តែការនិយាយទូរសព្ទប៉ុណ្ណោះ។ លោកក៏មាន iPad មួយគ្រឿងផងដែរ ដែលទុកសម្រាប់ប្រើធ្វើការស្រាវជ្រាវ និងឆែកមើលតម្លៃហ៊ុន៕