បើកអេក្រង់ល្បឿន 120Hz Vs 60Hz លើ Galaxy S20 Ultra ស៊ីថ្មខុសគ្នាប៉ុណ្ណា?

2020-02-24 03:34:31
ព័ត៌មាន

2020-02-24 03:34:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណុចខ្លាំងរបស់ Galaxy S20 Ultra ដែលជាស្មាតហ្វូនត្រកូល S ថ្លៃបំផុតរបស់ Samsung នាឆ្នាំ ២០២០ នេះ ក្រៅពីកាមេរ៉ានិងកម្លាំងថ្មធំ ទៀតសោតគឺពាក់ព័ន្ធនឹងអេក្រង់ដែលមានល្បឿន Refresh rate ដល់ទៅ 120Hz ពោលគឺខុសពីស្មាតហ្វូនទូទៅបច្ចុប្បន្នមានត្រឹម 60Hz តែប៉ុណ្ណោះ (120Hz មានលើត្រកូល S ទាំង ៣ សេរ៊ី)។

ប្រិយមិត្តប្រាកដជាឆ្ងល់ថាតើល្បឿនអេក្រង់ 120Hz អាចធ្វើឲ្យមានការចុះថមថយនៃកម្លាំងថ្មរហ័សប៉ុណ្ណា បើធៀបនឹងល្បឿន 60Hz ធម្មតា។

តាមការតេស្តផ្ទាល់របស់គេហទំព័រ PhoneArena ដែលប្រើប្រាស់ម៉ាស៊ីន S20 Ultra បំពាក់ឈីប Exynos 990 ដោយកំណត់ល្បឿន 120Hz លើកម្រិតអេក្រង់ 1 080p បានចេញជាលទ្ធផលប្រៀបធៀបដូចខាងក្រោម៖

Samsung Galaxy S20 Ultra 60Hz អាចប្រើបានដល់ ១២ ម៉ោង និង ២៣ នាទី
Samsung Galaxy S20 Ultra 120Hz អាចប្រើបានដល់ ១០ ម៉ោង និង ២ នាទី
Samsung Galaxy Note 10 Plus អាចប្រើបានដល់ ១១ ម៉ោង និង ៣៧ នាទី
Samsung Galaxy S20 Plus អាចប្រើបានដល់ ១០ ម៉ោង និង ៣៣ នាទី
Apple iPhone 11 Pro Max អាចប្រើបានដល់ ១២ ម៉ោង និង ៥៣ នាទី

ជាលទ្ធផលបង្ហាញថាបើអ្នកប្រើប្រាស់ល្បឿន 60Hz លើ S20 Ultra ដែលមានថ្មទំហំ ៥ ០០០mAh នោះគឺពិតជាមានការវិវត្តកាន់ថ្មយូរជាងមុនច្រើនបើធៀបនឹងជំនាន់ឆ្នាំទៅ ខណៈនៅល្បឿន 120Hz គឺខុសនឹង 60Hz ប្រហែលជាង ២ ម៉ោង ប៉ុន្តែអ្នកអាចទទួលបាននៅល្បឿនដំណើរការអេក្រង់ដ៏រហ័សគ្មានទាស់ចិត្តមួយ។

ដោយឡែកបើធៀបនឹងគូប្រជែង Apple ដែលមាន iPhone 11 Pro Max ជាជំនាន់ចុងក្រោយ គឺនៅចាញ់បន្តិច ហើយនេះជាការតេស្តលើការប្រើប្រាស់កម្មវិធីស្រាវជ្រាវលើអ៊ីនធឺណិត (Browser Test)៕

អានអត្ថបទ:

ប្រភព៖ PhoneArena ប្រែសម្រួល៖ កៅ រក្សា