- 2020-02-13 03:19:03
- ព័ត៌មាន
ឡាន Lexus ES នៅអឺរ៉ុបទាំងអស់ នឹងប្រើកាមេរ៉ាជំនួសកញ្ចក់ចំហៀង ដូចនៅជប៉ុន
- 2020-02-13 03:19:03
- ចំនួនមតិ 0 | ចំនួនចែករំលែក 0
ឡាន Lexus ES នៅអឺរ៉ុបទាំងអស់ នឹងប្រើកាមេរ៉ាជំនួសកញ្ចក់ចំហៀង ដូចនៅជប៉ុន
ចន្លោះមិនឃើញ
Leuxs បានបង្ហាញប្រព័ន្ធកាមេរ៉ាមើលចំហៀង ជំនួសឲ្យកញ្ចក់មើលចំហៀងធម្មតា កាលពីប៉ុន្មានឆ្នាំមុន ដោយហៅថា Digital Side-view Monitor សម្រាប់រថយន្តម៉ូដែល ES នៅក្នុងប្រទេសជប៉ុន។
ឥឡូវបច្ចេកវិទ្យានេះក៏នឹងត្រូវដាក់ឲ្យប្រើលើរថយន្ត Lexus ES ទាំងអស់នៅអឺរ៉ុបដែរ ដោយវាជា Option តម្លៃ ២ ០០០ដុល្លារ។
គួរឲ្យដឹងថា ប្រព័ន្ធកាមេរ៉ាមើលចំហៀង Digital Side-view Monitor អាចបង្ហាញរូបភាពដល់អ្នកបើកបរបាន តាមរយៈអេក្រង់ចំនួនពីរទំហំ ៥ អ៊ីង ដែលស្ថិតនៅផ្នែកចំហៀងទាំងសងខាង។
Lexus និយាយថាកាមេរ៉ាមើលចំហៀងនេះ អាចធន់នឹងទឹកភ្លៀង, អាចបង្ហាញរូបភាពច្បាស់មិនថាស្ថិតក្នុងស្ថានភាពបែបណា, អាចមើលឃើញធំទូលាយលើសពីកញ្ចក់ធម្មតា។ មិនតែប៉ុណ្ណោះ វាក៏កាត់ចំណាំងភ្លើងពីរថយន្តខាងក្រោយនៅពេលយប់ផងដែរ៕