- 2020-01-31 04:29:10
- ព័ត៌មាន
ក្រោយអង្គការសុខភាពពិភពលោកប្រកាសអាសន្ន Facebook ចាប់ផ្ដើមមានសកម្មភាពលើព័ត៌មានក្លែងក្លាយភ្លែត!
- 2020-01-31 04:29:10
- ចំនួនមតិ 0 | ចំនួនចែករំលែក 0
ក្រោយអង្គការសុខភាពពិភពលោកប្រកាសអាសន្ន Facebook ចាប់ផ្ដើមមានសកម្មភាពលើព័ត៌មានក្លែងក្លាយភ្លែត!
ចន្លោះមិនឃើញ
ក្រោយពីការប្រកាសអាសន្នទូទាំងពិភពលោកចំពោះវីរុសកូរ៉ូណា ពីសំណាក់អង្គការសុខភាពពិភពលោក (WHO) បណ្ដាញសង្គម Facebook ក៏បានចាប់ផ្ដើមចូលរួមជួយជាពិសេស ដោយរឹតត្បិតថាសាយភាយព័ត៌មាន និងដំណឹងមិនពិតអំពីវីរុសកូរ៉ូណា និងភ្ជាប់អ្នកប្រើទៅកាន់ដំណឹងមានប្រយោជន៍វិញ។
Facebook បានប្រកាសក្នុងវិបសាយរបស់ខ្លួនថា អ្នកជំនាញក្នុងការត្រួតពិនិត្យព័ត៌មានពិតដែលមានបណ្ដាញនៅទូទាំងពិភពលោករបស់ខ្លួន កំពុងបន្តកិច្ចការរបស់ខ្លួន ដោយត្រួតពិនិត្យលើមាតិកា និងការលើកឡើងមិនពិត ដែលត្រូវបានចែកចាយទាក់ទងនឹងវីរុសកូរ៉ូណា។ នៅពេលដែលគេកំណត់មាតិកាណាមួយថាក្លែងក្លាយ Facebook នឹងរឹតត្បិតមាតិកានោះមិនឲ្យ Reach ច្រើននៅលើ Facebook និង Instagram ហើយបង្ហាញព័ត៌មានពិតជំនួសវិញ។
Facebook ក៏នឹងផ្ដល់ Notification ដល់អ្នកដែលបាន Share មាតិកាក្លែងក្លាយ ឬអ្នកដែលចង់ Share ដោយប្រាប់ថាមាតិកានោះបានឆ្លងកាត់ការត្រួតពិនិត្យរបស់អ្នកជំនាញ ដោយពួកគេកំណត់ថាជាមាតិកាក្លែងក្លាយ។
Facebook ក៏នឹងចាប់ផ្ដើមលុបចេញនូវមាតិកាក្លែងក្លាយ ដែលត្រូវបានពិនិត្យដោយអង្គភាពសុខភាពសកលលោក និងមន្ត្រីសុខភាពក្នុងស្រុក ដែលវាអាចប៉ះពាល់ដល់អ្នកប្រើ Facebook ដែលជឿលើមាតិកានោះ៕
