- 2020-01-29 04:25:27
- ព័ត៌មាន
ដៃគូ Apple នឹងបើករោងចក្រផលិតនៅវៀតណាម ចុងឆ្នាំនេះ
- 2020-01-29 04:25:27
- ចំនួនមតិ 0 | ចំនួនចែករំលែក 0
ដៃគូ Apple នឹងបើករោងចក្រផលិតនៅវៀតណាម ចុងឆ្នាំនេះ
ចន្លោះមិនឃើញ
សារព័ត៌មាន Nikkei Asian Review បានចុះផ្សាយថា Pegatron ដែលជាក្រុមហ៊ុនដំឡើងគ្រឿងអេឡិចត្រូនិកធំទីពីរក្នុងលោក នឹងបើកដំណើរការរោងចក្រថ្មីនៅវៀតណាម និងឥណ្ឌូណេស៊ីនាចុងឆ្នាំ ២០២០ នេះ។
គួរដឹងថា Pegatron គឺជាដៃគូរកស៊ីមួយរបស់ Apple ដែលបានផ្គត់ផ្គង់ការដំឡើងឧបករណ៍ដូចជា iPhone, iPad ឬ MacBook។ ការប្ដូរសង្វាក់ផលិតកម្មចេញពីរោងចក្រធំដែលមានទីតាំងនៅចិន ក៏ព្រោះតែការកើនឡើងនូវតម្លៃផលិតនៅប្រទេសចិន ដោយសារប្រាក់ឈ្នួលពលកម្មមានការកើនឡើង និងសង្គ្រាមពាណិជ្ជកម្មដ៏តឹងតែងរវាងអាមេរិក និងចិន។
លោក Tung Tzu-hsien ដែលជាប្រធានក្រុមហ៊ុន Pegatron និយាយបែបនេះថា ៖ "ចិនលែងជាកន្លែងដែលមានប្រាក់ឈ្នួលពលកម្មទាប ដូច ៥ឆ្នាំមុនទៀតនោះទេ។ បន្ថែមពីនេះ សង្គ្រាមពាណិជ្ជកម្ម អាមេរិក-ចិន ធ្វើឲ្យស្ថានការណ៍កាន់តែលំបាក។”
លោកប្រធានរូបនេះនិយាយថា រោងចក្រនៅវៀតណាម និងឥណ្ឌូណេស៊ី និងរ៉ាប់រងការផលិតឧបករណ៍សម្រាប់ភ្ជាប់ជាមួយអ៊ីនធឺណិត។ រោងចក្រនៅឥណ្ឌូណេស៊ីនឹងមានទីតាំងនៅកោះ Batam ស្ថិតនៅចម្ងាយប្រហែល ២០ គ.ម ពីសិង្ហបុរី។ ចំណែករោងចក្រនៅវៀតណាមនឹងមានទីតាំងនៅតំបន់ភាគខាងជើង៕
