- 2020-01-28 09:54:42
- ព័ត៌មាន
ផែនការបង្កើនចំនួនផលិត iPhone របស់ Apple អាចត្រូវបង្អាក់ដំណើរព្រោះវីរុសកូរ៉ូណា
- 2020-01-28 09:54:42
- ចំនួនមតិ 0 | ចំនួនចែករំលែក 0
ផែនការបង្កើនចំនួនផលិត iPhone របស់ Apple អាចត្រូវបង្អាក់ដំណើរព្រោះវីរុសកូរ៉ូណា
ចន្លោះមិនឃើញ
ផែនការ Apple ដែលចង់បង្កើនចំនួនផលិត iPhone ត្រឹម ១០% នៅត្រីមាសដំបូងនៃឆ្នាំ ២០២០ នេះ អាចត្រូវរាំងស្ទះ ដោយសារការរីករាលដាលនៃវីរុសកូរ៉ូណានៅទូទាំងប្រទេសចិន។ នេះបើតាមការចុះផ្សាយរបស់ Nikkei Asian Review នាថ្ងៃអង្គារ។
Apple បានប្រាប់ទៅដៃគូផ្គត់ផ្គង់ដែលពួកគេភាគច្រើនមានរោងចក្រផលិតក្នុងប្រទេសចិន ឲ្យផលិត iPhone ដល់ ៨០ លានគ្រឿងក្នុងត្រីមាសដំបូងឆ្នាំ ២០២០។ ក្នុងនោះមាន ៦៥ លានគ្រឿងគឺជា iPhone ស៊េរីបច្ចុប្បន្នដូចជា iPhone 11 និង ១៥ លានគ្រឿងគឺជា iPhone តម្លៃធូរស៊េរីថ្មី ដែលលេចឮថាប្រកាសចេញនៅខែមីនាខាងមុខ។
យ៉ាងណាក្ដី ការផលិតទ្រង់ទ្រាយធំដែលនឹងត្រូវចាប់ផ្ដើមនៅសប្ដាហ៍ទី ៣ នៃខែកុម្ភៈ ប្រហែលជាត្រូវពន្យារពេលដោយសារការផ្ទុះនៃវីរុស។
មកទល់ល្ងាចថ្ងៃអង្គារនេះ វីរុសកូរ៉ូណាបានសម្លាប់មនុស្សជាង ១០០ នាក់ និងមានជាង ៤ ៥០០ នាក់ទៀតមានឆ្លងជំងឺនេះ៕