- 2020-01-29 01:25:44
- ព័ត៌មាន
បន្ថយហានិភ័យឆ្លងដល់គ្រូពេទ្យ អាមេរិកប្រើមនុស្សយន្តមើលថែអ្នកឆ្លងវីរុសកូរ៉ូណាជំនួស
- 2020-01-29 01:25:44
- ចំនួនមតិ 0 | ចំនួនចែករំលែក 0
បន្ថយហានិភ័យឆ្លងដល់គ្រូពេទ្យ អាមេរិកប្រើមនុស្សយន្តមើលថែអ្នកឆ្លងវីរុសកូរ៉ូណាជំនួស
ចន្លោះមិនឃើញ
វីរុសផ្លូវដង្ហើមថ្មីដែលឲ្យឈ្មោះថាវីរុសកូរ៉ូណា បាននឹងកំពុងធ្វើឲ្យពិភពលោកមានការភ័យខ្លាចជាខ្លាំង ក្រោយពីបានសម្លាប់មនុស្សអស់លើសពី ១០០ នាក់ហើយ។
នៅសហរដ្ឋអាមេរិកដែលជាប្រទេសមានបច្ចេកវិទ្យាឈរកម្រិតកំពូលមួយ ក៏បានប្រើប្រាស់មនុស្សយន្តជំនួសការបញ្ឈរជើងវេជ្ជបណ្ឌិតឬក្រុមគ្រូពេទ្យដោយផ្ទាល់ក្នុងការមើលថែទាំអ្នកជំងឺដែលបានឆ្លងវីរុសមួយនេះ។ គោលបំណងក៏ដោយសារចង់កាត់បន្ថយហានិភ័យដែលអាចឆ្លងមកកាន់ក្រុមគ្រូពេទ្យ ក្រោយពីកើតមានករណីគ្រូពេទ្យនៅចិនម្នាក់បានបាត់បង់ជីវិតដោយសារឆ្លងពីអ្នកជំងឺ។
ការប្រើប្រាស់មនុស្សយន្តគួបផ្សំនឹងបច្ចេកវិទ្យាពិសេសនេះឲ្យឈ្មោះថា ISOPOD ដែលវាជាបន្ទប់ពិសេសសម្រាប់ទុកអ្នកជំងឺ ទទួលបានការថែទាំដោយបច្ចេកវិទ្យាទាំងស្រុង។
គ្រូពេទ្យអាចភ្ជាប់ទំនាក់ទំនងជាមួយអ្នកជំងឺបានតាមរយៈអេក្រង់បង្ហាញព័ត៌មាន និងតាមដានរោគសញ្ញាអ្នកជំងឺ ដោយមិនចាំបាច់ឈរជើងនៅក្បែរឬប៉ះពាល់អ្នកជំងឺដោយផ្ទាល់។
ការអនុវត្តនេះបានធ្វើឡើងទៅលើអ្នកឆ្លងវីរុសដំបូងគេបង្អស់នៅសហរដ្ឋអាមេរិក មានភេទប្រុស អាយុ ៣០ ឆ្នាំរស់នៅទីក្រុង Seattle ដែលបានទៅជួបគ្រូពេទ្យនាថ្ងៃទី ១៩ មករា ក្រោយមានរោគសញ្ញាប្លែក ពេលលោកបានធ្វើដំណើរត្រលប់មកពីទីក្រុង Wuhan៕
អានអត្ថបទ: