តិចច្រឡំថតកាមេរ៉ា DSLR បុរសម្នាក់ប្រើតែស្មាតហ្វូនធូរថ្លៃ បង្កើតរូបភាព Macro ល្អអស់ទាស់

2020-01-22 01:46:45
ព័ត៌មាន

2020-01-22 01:46:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគច្រើនអ្នករមែងឃើញតែគេកាន់ប្រើកាមេរ៉ាថ្លៃប្រភេទ DSLR ក្នុងការចាប់យករូបភាព Macro ដែលមានស្តង់ដារមួយសន្លឹកៗ ប៉ុន្តែខ្លាំងអីបុរសជនជាតិឥណ្ឌាមានគណនី Instagram ឈ្មោះ Sasikumar_ksk បានដាក់ចិត្តតស៊ូប្រើត្រឹមស្មាតហ្វូនធូរថ្លៃ ហើយជំនួយពីឡេន Macro មួយចំនួន ក៏អាចផលិតរូបភាពមិនចាញ់កាមេរ៉ាអាជីពនោះដែរ។

ជាធម្មតាការប្រើប្រាស់ស្មាតហ្វូនថតរូបបែបជិតមានរុក្ខជាតិឬសត្វល្អិតតូចៗ ដោយប្រើប្រាស់ឡេន Macro គឺទាមទារឲ្យអ្នកមានដៃនឹងខ្លាំង ហើយតម្រង់ឲ្យចំទៅត្រង់ទីតាំង Subject។ មួយផ្សេងទៀតលក្ខខណ្ឌនៃខ្យល់ក៏ប៉ះពាល់ការថតខ្លាំងណាស់ដែរ បែបនេះអ្នកត្រូវរង់ចាំដល់សភាពខ្យល់រាងស្ងប់ស្ងាត់ល្អទើបអាចផលិតចេញជារូបដ៏ល្អឥតខ្ចោះមួយ។

រូបភាពប៉ុន្មានសន្លឹកដូចបង្ហាញខាងក្រោម មិនត្រឹមតែបង្ហាញពីភាពស្រស់ស្អាតប៉ុណ្ណោះទេ តែជាកម្លាំងចិត្តជំរុញឲ្យអ្នកប្រើប្រាស់ស្មាតហ្វូនធូរថ្លៃហ៊ានសាកល្បងទឹកដៃរបស់ខ្លួនដែរ។ ក្រឡេកមើលរូបភាពនៅខាងក្រោម៖

គណនីខាងលើប្រើប្រាស់ស្មាតហ្វូនសេរ៊ីមធ្យមពីរគ្រឿងគត់រួមមាន OnePlus 6T និង Xiaomi Redmi ដែលតាមដឹងតម្លៃរបស់វាបច្ចុប្បន្នមិនដល់ ៤០០ ដុល្លារផងនៅលើទីផ្សារ។ ជំនួយការពិសេសគឺគេបានចាយលុយច្រើនទៅលើការទិញរាល់ឡេន Macro ច្រើនប្រភេទប្លែកៗពីគ្នា ហើយគួបផ្សំនឹងទឹកដីល្អផងនោះ ល្មមឲ្យអ្នកទាយខុសថារូបនោះថតចេញពីឧបករណ៍មួយណា៕

អានអត្ថបទ:

ប្រភព៖ techxcite ប្រែសម្រួល៖ កៅ រក្សា