- 2020-01-20 02:56:57
- ព័ត៌មាន
ដឹងលក្ខណៈសម្បត្តិផ្លូវការរបស់ Galaxy S20 5G ទាំងបីប្រភេទ
- 2020-01-20 02:56:57
- ចំនួនមតិ 0 | ចំនួនចែករំលែក 0
ដឹងលក្ខណៈសម្បត្តិផ្លូវការរបស់ Galaxy S20 5G ទាំងបីប្រភេទ
ចន្លោះមិនឃើញ
ក្រោមការបញ្ចេញរបស់ Ishan Agarwal ដែលសហការជាមួយ MySmartPrice គេអាចដឹងអំពីលក្ខណៈសម្បត្តិផ្លូវការរបស់ Galaxy S20 ប្រភេទ 5G ទាំងបីប្រភេទ ដែលក្នុងនោះមាន Galaxy S20 5G, Galaxy S20+ 5G និង Galaxy S20 Ultra 5G។
ចំណុចដូចគ្នារវាងស្មាតហ្វូនទាំងបីគឺមានអេក្រង់អាចបង្ហាញរូបភាពក្នុងកម្រិត 1440p ជាមួយ Refresh Rate 120Hz, មានបំពាក់ឈីប Eyxnos 990, មានអង្គផ្ទុកយ៉ាងតូច ១២៨GB និងអាចបន្ថែមទំហំបាន, ការពារទឹកកម្រិត IP68 និងមានប្រើប្រព័ន្ធប្រតិបត្តិការ Android 10 ជាមួយ One UI 2.0។ គួរចាប់អារម្មណ៍ថាក្នុងលក្ខណៈសម្បត្តិដែលបញ្ចេញនេះ មិនបានប្រាប់អំពីទំហំ RAM នៃប្រភេទនីមួយៗនោះទេ ប៉ុន្តែដំណឹងកន្លងមកបង្ហាញថា RAM អាចមានទំហំធំបំផុតដល់ ១៦GB។
ប្រភេទនីមួយៗក៏នឹងមានបំពាក់កាមេរ៉ាសមត្ថភាពខ្លាំងផុតលេខ។ ចំពោះ Galaxy S20 Ultra ជាប្រភេទតែមួយគត់ដែលមានប្រើកាមេរ៉ា ១០៨MP ប៉ុន្តែស្មាតហ្វូនទាំងបីសុទ្ធតែអាចថតវីដេអូដល់កម្រិត 8K/30fps។
ចំពោះកាមេរ៉ាមុខវិញ នៅលើ S20 និង S20+ គឺមាន Sensor កម្រិត ១០MP ចំណែក S20 Ultra មានកម្រិតដល់ ៤០MP ជាប្រភេទ Ultra-Wide ហើយកាមេរ៉ាមុខរបស់ពួកវាអាចថតវីដេអូបានដល់កម្រិត 4K/60fps។
សម្រាប់ទំហំថ្មគឺមានចាប់ពី ៤០០០ mAh នៅលើ Galaxy S20, ៤៥០០ mAh នៅលើ Galaxy S20+ និង ៥០០០ mAh នៅលើ Galaxy S20 Ultra។ ត្បិតថាលក្ខណៈសម្បត្តិនេះគឺសម្រាប់ប្រភេទ 5G ប៉ុន្តែគេជឿថាប្រភេទមិនមាន 5G ក៏មានបែបនេះដែរ។
គួរដឹងថា Galaxu S20 ទាំងបីទំនងជាបង្ហាញខ្លួនដំណាលគ្នាក្នុងកម្មវិធី Unpacked 2020 ដែលធ្វើឡើងនាថ្ងៃទី ១១ ខែកុម្ភៈ ខាងមុខ៕