ចាំយូរពេក ក្មេងម្នាក់ប្រើអេក្រង់ទូរទស្សន៍នៅព្រលានយន្តហោះ ដោត PS4 អង្គុយលេងធ្វើព្រងើយ

2020-01-20 01:40:37
ព័ត៌មាន

2020-01-20 01:40:37
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវហួសចិត្តមួយបានកើតឡើងនៅឯអាកាសយដ្ឋាន Portland International Airport ក្នុងទឹកដីសហរដ្ឋអាមេរិក ដោយកាលពីពេលថ្មីៗនេះមានអ្នកធ្វើដំណើរម្នាក់ ដែលកំពុងអង្គុយរង់ចាំជើងហោះហើរ បានដកម៉ាស៊ីនហ្គេម PS4 ក្នុងកាតាបរបស់គេភ្ជាប់ទៅកាន់អេក្រង់ទូរទស្សន៍នៅឯព្រលានយន្តហោះ ហើយអង្គុយលេងហ្គេមធ្វើព្រងើយ។

តាមសារព័ត៌មាន KXL បានឲ្យដឹងថាអ្នកធ្វើដំណើរនោះ ជាក្មេងប្រុសវ័យជំទង់ (មិនបង្ហើបអត្តសញ្ញាណ) បានភ្ជាប់ PS4 របស់ខ្លួនទៅកាន់ទូរទស្សន៍បង្ហាញព័ត៌មាននៅឯព្រលាន ហើយលេងហ្គេមបាញ់គ្នា Apex Legends។

ភ្លាមៗនោះមន្រ្តីនៅឯព្រលានយន្តហោះ បានមកធ្វើការបញ្ឈប់ជាបន្ទាន់ តែហួសចិត្តអ្វីរូបគេថាសុំពេលឲ្យលេងចប់មួយវគ្គសិន តែមិនមានការយល់យោគ ដោយសារមានអ្នកធ្វើដំណើរឯទៀតត្រូវការមើលព័ត៌មានជើងហោះហើរនៅលើអេក្រង់ទូរទស្សន៍ ក្មេងប្រុសនោះក៏ព្រមព្រៀងស្តាប់តាម ហើយដក PS4 របស់គេមកវិញដោយតាមសម្រួល។

បញ្ជាក់ថាវាមិនមែនជាលើកដំបូងទេ ដែលកើតមានរឿងហួសចិត្តបែបនេះនៅឯព្រលានយន្តហោះ ដោយកន្លងទៅនៅឯប្រទេសអាល្លឺម៉ង់មានអ្នកធ្វើដំណើរម្នាក់ សុខៗមកសង្កត់លើប៊ូតុង Emergency ផ្អើលអស់មួយអាកាសយានដ្ឋានរយៈពេលជាង ៤ ម៉ោង ធ្វើឲ្យជើងហោះហើរប្រមាណ ១៣០ ត្រូវលុបចោល ប៉ះពាល់ដល់អ្នកធ្វើដំណើរប្រមាណ ៥០ ០០០ នាក់។

រឿងមួយផ្សេងទៀតកាលពីខែមិថុនា ឆ្នាំ ២០១៧ លោកយាយចំណាស់សញ្ជាតិចិន ដែលជឿងប់ងល់ពេកនោះ បានបោះកាក់ចំនួន ៩ កាក់ចូលទៅក្នុងម៉ាស៊ីនយន្តហោះដើម្បីសុំសេចក្តីសុខ តែស៊យអីធ្វើឲ្យជើងហោះហើរត្រូវផ្អាករយៈពេល ៥ ម៉ោង ព្រោះមានការប៉ះពាល់ដល់គ្រឿងម៉ាស៊ីនខាងក្នុង៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា