- 2019-12-27 06:51:35
- ព័ត៌មាន
Hacker ទម្លាយទិដ្ឋភាពនៅខាងក្នុងគុកថៃ
- 2019-12-27 06:51:35
- ចំនួនមតិ 0 | ចំនួនចែករំលែក 0
Hacker ទម្លាយទិដ្ឋភាពនៅខាងក្នុងគុកថៃ
ចន្លោះមិនឃើញ
Hacker បានធ្វើការវាយប្រហារលើប្រព័ន្ធកាមេរ៉ាសុវត្ថិភាពនៅមន្ទីរឃុំឃាំងក្នុងប្រទេសថៃ និងបានចែកចាយវីដេអូនោះលើ YouTube ថែមទៀតផង។
ផ្អែកតាមការចុះផ្សាយរបស់សារព័ត៌មានក្នុងស្រុក Chiangrai Times វីដេអូត្រូវបានគេធ្វើការផ្សាយផ្ទាល់លើ YouTube រយៈពេលរាប់ម៉ោង មានបង្ហាញអំពីសកម្មភាពខាងក្នុងនៃមន្ទីរឃុំឃាំង ពីប្លង់ជាច្រើន។
កាមេរ៉ាសុវត្ថិភាពក្នុងមន្ទីរឃុំឃាំងប្រទេសថៃ គឺដំឡើងដោយក្រុមហ៊ុនឯកជន។ ប្រព័ន្ធកាមេរ៉ាគឺមានភ្ជាប់នឹងអ៊ីនធឺណិត ដែលអាចឲ្យសមត្ថកិច្ចពិនិត្យមើលសកម្មភាពភ្លាមៗរបស់អ្នកជាប់ឃុំ។ លោក Somak Thepsuthin រដ្ឋមន្ត្រីក្រសួងយុត្តិធម៌ថៃនិយាយថា មូលហេតុនាំឲ្យមានការលេចធ្លាយនេះ ប្រហែលមកពី Code សម្រាប់ Access ចូលកាមេរ៉ាសុវត្ថិភាពបានលេចធ្លាយ ធ្វើឲ្យ Hacker ចូលក្នុងប្រព័ន្ធបាន និងបង្ហោះវីដេអូជាសាធារណៈលើ YouTube។ ខណៈពេលនេះវីដេអូដែលបង្ហោះដោយគណនី BigBrother’s Gaze ត្រូវបានលុបចោលហើយ។
បន្ថែមពីទិដ្ឋភាពខាងក្នុងមន្ទីរឃុំឃាំងនៅថៃ គណនីខាងលើក៏បានបញ្ចេញទិដ្ឋភាពក្នុងគុកនៅរុស្ស៉ី អូស្ត្រាលី និងសហរដ្ឋអាមេរិកផងដែរ។ នៅក្នុង Description ឃើញថា Hacker បានសុំទោសដល់អ្នកទោសដែលលេចមុខក្នុងវីដេអូ និងណែនាំឲ្យសមត្ថកិច្ចធ្វើលេខសម្ងាត់ Default ចេញ ពេលដំឡើងប្រព័ន្ធកាមេរ៉ាសុវត្ថិភាព៕
ចុចអាន ៖ Google សរសើរស្ត្រីវ័យ ៨៦ ឆ្នាំ Search អ៊ីនធឺណិតប្រើពាក្យគួរសមបំផុត
