NAWA Racer ម៉ូតូកាហ្វេអគ្គិសនី ប្រើប្រាស់អាគុយដ៏ពិសេស

2019-12-26 06:34:45
ផលិតផលថ្មី

2019-12-26 06:34:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីតាំងបង្ហាញផលិតផលអេឡិចត្រូនិក CES នាដើមឆ្នាំក្រោយនេះ នឹងមានវត្តមានផលិតផលពិសេសៗជាច្រើន។ ក្នុងចំណោមនោះគឺមាននូវម៉ូតូ NAWA Racer ដែលវាជាប្រភេទ Concept។

វាគឺជាម៉ូតូអគ្គិសនីដែលមានស្ទីលដូចជាម៉ូតូ Cafe ប៉ុន្តែបច្ចេកវិទ្យាដែលមានបំពាក់គឺថ្មីប្លែក។ NAWA ហៅវាថាជាម៉ូតូ Hybrid ប៉ុន្តែមិនមែនដោយសារវាប្រើម៉ាស៊ីនប្រេងឥន្ធនៈ គួបផ្សំនឹងប្រព័ន្ធអគ្គិសនីជំនួយនោះទេ។ តាមពិតទៅវាប្រើបច្ចេកវិទ្យាអាគុយពីរប្រភេទខុសគ្នា ដោយមួយជាអាគុយលីចូមធម្មតា និងមួយទៀតជាអាគុយ Ultracapacitor។

NAWA គិតថាអាគុយ Ultracapacitor គឺជាការបោះជំហានទៅមុខនៃបច្ចេកវិទ្យាអាគុយ ហើយក្រុមហ៊ុនបានលើកសរសើរពីសមត្ថភាពរបស់វា។ អាគុយថ្មីនេះអាចសាកបញ្ចូលថាមពលឆាប់ពេញ, អាចបម្លែងថាមពលបានល្អ (បម្លែងតាមរយៈការជាន់ហ្វ្រាំង), មានសមត្ថភាពខ្ពស់ និងជិះបានចម្ងាយជាង បើប្រៀបនឹងអាគុយលីចូមដែលមានទំហំដូចគ្នា។

អាគុយ Ultracapacitor ដែលបំពាក់លើ NAWA Racer មានទំហំ ០,១ គីឡូវ៉ាត់ម៉ោង គួបផ្សំនឹងអាគុយលីចូមទំហំ ៩ គីឡូវ៉ាត់ម៉ោង។ ប្រព័ន្ធ Hybrid នេះអាចជិះបានចម្ងាយ ១៥០ គ.ម ប៉ុន្តែតាមរយៈសមត្ថភាពបម្លែងថាមពល ជួយឲ្យម៉ូតូនេះជិះបានចម្ងាយដល់ ៣០០ គ.ម សម្រាប់ការជិះក្នុងទីក្រុង។

ចំពោះការបង្កើនសន្ទុះពី ០-៩៦ គ.ម/ម៉ វាចំណាយពេល ៣ វិនាទី និងមានល្បឿនអតិបរមាប្រមាណ ១៦០ គ.ម/ម៉។ NAWA ប្រាប់ឲ្យដឹងថាអាគុយ Ultracapacitor ចំណាយពេលតែ ២ នាទីអាចសាកពេញ ហើយអាគុយលីចូមវិញអាចសាកដល់ ៨០% ក្នុងពេល ១ ម៉ោង៕

ចុចអាន ៖ មិនធម្មតា! Toyota Yaris ឆ្នាំ២០២០ ជិះ១០០គ.ម៉ ស៊ីសាំងមិនដល់ ៣លីត្រ

ប្រភព៖ engadget ប្រែសម្រួល៖ សុខហេង