- 2019-12-18 07:53:48
- ព័ត៌មាន
Vivo ប្រកាសចេញទូរសព្ទថ្មីប្រើឈីប 5G របស់ Samsung
- 2019-12-18 07:53:48
- ចំនួនមតិ 0 | ចំនួនចែករំលែក 0
Vivo ប្រកាសចេញទូរសព្ទថ្មីប្រើឈីប 5G របស់ Samsung
ចន្លោះមិនឃើញ
Vivo បានប្រកាសចេញស្មាតហ្វូនត្រកូល X30 នៅក្នុងប្រទេសចិន ដែលផ្ដោតសំខាន់លើការថតរូបភាព។ ត្រកូលថ្មីនេះគឺមកជំនួសតំណែងត្រកូល X27 ចេញកាលឆ្នាំមុន នឹងនាំយកនូវកាមេរ៉ា Periscope, សេវា 5G ហើយមានចោះរន្ធកាមេរ៉ាលើអេក្រង់។
Vivo X30 មានពីរប្រភេទ គឺ X30 5G និង X30 Pro 5G។ X30 Pro 5G មានបំពាក់កាមេរ៉ាមេទំហំ ៦៤ MP, កាមេរ៉ា Periscope កម្រិត ១៣MP អាច Zoom Digital បាន ៦០ដង និង Zoom Optical បាន ៥ដង, កាមេរ៉ា Zoom កម្រិត ៣២MP ដែល Zoom បាន ២ដង និងកាមេរ៉ា Ultra-Wide កម្រិត ៨MP។ វាក៏មាន Laser AF ផងដែរ ដែលអាច Focus បានលឿននិងចាប់បានត្រូវ។
ប្រព័ន្ធកាមេរ៉ានេះមានគួបផ្សំដោយមុខងារដូចជា Super Night Mode 2.0, មុខងារសម្រាប់ថតព្រះចន្ទ, Super HDR, Slow Motion, Time-Lapse, AI Beauty, ថតវីដេអូកម្រិត 4K និងមុខងារជាច្រើនទៀត។
ចំណែក Vivo X30 5G មិនមានកាមេរ៉ា Periscope នោះទេ ហើយផ្នែកផ្សេងទៀតគឺដូចជា X30 Pro 5G ដែរ។ នៅផ្នែកខាងមុខវិញគឺមានកាមេរ៉ា Selfie ដែលចោះរន្ធអេក្រង់បង្កប់ចូល មានទំហំ ៣២ MP ដូចគ្នា។
ស្មាតហ្វូនទាំងពីរគឺដំណើរការបន្ទះឈីប Exynos 980 របស់ Samsung។ បន្ទះឈីបនេះមាននូវឈីប 5G មកស្រាប់ ហើយវាមាន SA និង NSA សម្រាប់ប្រើជាមួយ 5G។ ចំពោះ RAM មានទំហំ ៨GB ដែលមានអង្គផ្ទុកទំហំ ១២៨ GB ឬ ២៥៦ GB។
អេក្រង់ពួកវាមានទំហំ ៦,៤៤ អ៊ីញ អាចបង្ហាញរូបភាពក្នុងកម្រិត Full HD+ ជាប្រភេទអេក្រង់ Super AMOLED។ ថាមពលថ្មមានទំហំ ៤៣៥០ mAh ទ្រាំទ្រនឹងការសាកថ្មល្បឿន ៣៣ វ៉ាត់, មានរន្ធសាកថ្ម USB-C និងរន្ធកាស 3.5mm។ ផ្នែក Software វិញគឺមាន Android Pie ជាមួយស្បែក Funtouch OS របស់ Vivo។
X30 5G មានតម្លៃប្រមាណ ៤៧១ ដុល្លារ និងប្រមាណ ៥១៤ ដុល្លារ ហើយ X30 Pro មានតម្លៃប្រមាណ ៥៧១ ដុល្លារ និងប្រមាណ ៦១៤ ដុល្លារ ដែលជាតម្លៃដាក់លក់នៅប្រទេសចិន៕
ចុចអាន ៖ ប្រកួតផ្នែកកាមេរ៉ា មិនបង្ហាញម៉ាកស្មាតហ្វូន iPhone 11 Pro ដួលត្រឹមជុំទី ១