realme5 មានមួយស៊េរីទៀត តម្លៃត្រឹម ១៥៩ដុល្លារ តែកុំមើល Spec

2019-12-04 07:43:59
ព័ត៌មាន

2019-12-04 07:43:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចដែលទាំងអស់គ្នាបានដឹងហើយថា ស្មាតហ្វូន realme ដែលទើបតែសម្ពោថ្មីៗកន្លងទៅនេះ ទទួលបានការគាំទ្រ ឡើងកក្រើកទីផ្សារជាពិសេសសម្រាប់អ្នកចូលចិត្តបច្ចេកវិទ្យា ទំនើបថ្មីៗ។ ហ្វេនដែលស្រលាញ់ស្មាតហ្វូន realme ពេញចិត្តពេញថ្លើមមែនទែនទាំងរូបរាងនៅលើតួខ្លួន realme5/realme5Pro។

អ្វីដែលធ្វើឲ្យមានភាពចាប់អារម្មណ៍ខ្លាំងនោះគឺ ដោយសារតែ ម៉ូឌែល realme 5 Pro មានលក្ខណៈសម្បត្តិល្អ បន្ទះឈីបខ្លាំង កាមេរ៉ាក្រោយ ៤គ្រាប់ និងបច្ចេកវិទ្យាសាកថ្មល្បឿនលឿន VOOC Flash Charge ជំនាន់ 3.0 បន្ថែមទៀតផង។

ចំណែក realme 5 វិញក៏មិនអន់ដែរ ព្រោះមិនត្រឹមតែជាស្មាតហ្វូនដែលមានតម្លៃសមរម្យ និង ញាក់សាច់នៅក្នុងទីផ្សារទូរសព្ទប្រទេសកម្ពុជានោះទេ ប៉ុន្តែវាមានលក្ខណៈសម្បត្តិពេញទំហឹង ទាំងបន្ទះឈីបខ្លាំង កាមេរ៉ាក្រោយ៤គ្រាប់ និង កាន់តែពិសេសនោះ គឺវាមានទំហំថ្មធំដល់ទៅ ៥០០០ mAh ។

ផ្នែកកាមេរ៉ា

realme 5 បាននាំយកមកជាមួយនូវកាមេរ៉ាក្រោយ ៤គ្រាប់ មកបំពាក់លើស្មាតហ្វូនដែលមានតម្លៃសមរម្យ មិនខ្លាចនឹងចំណាយលុយទិញឡើយ។ កាមេរ៉ាខាងក្រោយនេះមានដូចជាកាមេរ៉ាទី ១ទំហំ ១២MP ជាកាមេរ៉ាគោល កម្រិត f/1.8 កាមេរ៉ាទី២ សម្រាប់ថតរូបទូលាយ Ultra-wide Angle ថតបាន ១១៩ ដឺក្រេ, កាមេរ៉ាទី៣ សម្រាប់ថតរូបជិត ក្នុងចំងាយ៤ សង់ទីម៉ែត្រ និង កាមេរ៉ាចុងក្រោយសម្រាប់គណនាជម្រៅរូបភាពឲ្យកាន់តែលេចធ្លោពេលថតរូបបែប Portrait ដ៏ពេញនិយម។

កាមេរ៉ាគោលរបស់ realme5 នេះមានសមត្ថភាពជួយទប់លំនឹងរូបភាព ចំណែកកាមេរ៉ាថតរូបប្លង់ទូលាយអាច ឲ្យលោកអ្នក ចាប់យករូបភាពកាន់តែធំជាងមុន មិនឲ្យដាច់គែមសងខាងដូចពេលមុនទៀតឡើយ។ ចំណែកកាមេរ៉ា Macro វិញប្រើដើម្បីថតរូបជិត ស័ក្ដិសមនៅពេលដែលលោកអ្នក ចង់ផ្ដិតយករូបភាពដែលតូច និង កៀក ជិតខ្លាំង។ លោកអ្នកក៏អាចថតរូបភាពពេលងងឹតបានដែរ ដោយមុខងារ Nightscape និង Chroma Boost ដែលអាចឲ្យលោកអ្នកថតរូបភាពបានក្នុងកម្រិត 4K បានដល់ 30fps និងកម្រិត 240fps សម្រាប់វីដេអូយឺត slow-motion ក្នុងគុណភាពកម្រិត 720p។

ចំណែកកាមេរ៉ាមុខ សម្រាប់ថតរូប selfie ទំហំ ១៣ MP ដែលមានរាងជាស្ទីលដំណក់ទឹកឡើង Cute វិញគឺស្ថិតនៅលើអេក្រង់ខាងមុខ មើលទៅកាលីបមែនទែន។ កាមេរ៉ានេះជាប្រភេទ AI ដែលអាចជួយកែខៃសម្រស់លោកអ្នកកាន់ស្អាតផងដែរ។

សមត្ថភាពដំណើរការ

realme 5 បំពាក់ដោយបន្ទះឈីប Qualcomm Snapdragon 665 ដែលទើបតែប្រកាសថ្មីៗនេះ។ បន្ទះឈីប Qualcomm ជំនាន់ទី៣ AI Engine គឺជាអង្គហេតុដែលធ្វើឲ្យ SD 665 នេះអាចផ្តល់ជូននូវការបញ្ចេញរូបភាពបានកាន់តែច្បាស់ ជាមួយនឹងដំណើរការកាមេរ៉ាកាន់តែរលូន។

ទំហំថ្ម

ស្មាតហ្វូន realme 5 មកជាមួយទំហំថ្មធំរហូតដល់ ៥០០០ mAh ប៉ុន្តែមិនមានបច្ចេកវិទ្យាសាកថ្មល្បឿនលឿននោះទេ។ ប៉ុន្តែតាមដឹងអ្វីដែលក្រុមហ៊ុន realme ធ្លាប់បានបញ្ជាក់គឺថា ស្មាតហ្វូននេះអាចធន់នឹងការឡើងកម្ដៅរហូតដល់ ៤៩ ម៉ោងនៅលើការសន្ទនាគ្នា ហើយ ១២ម៉ោងសម្រាប់ការមើលវីដេអូលើ YouTube និង ១៥៦ម៉ោងសម្រាប់ស្តាប់ចម្រៀងតាមកាសត្រចៀកផងដែរ។ យោងតាមការប្រើប្រាស់របស់ផ្ទាល់ បានឲ្យដឹងថាវាអាចប្រើបានរហូតដល់២ថ្ងៃក្នុងលក្ខខណ្ឌប្រើប្រាស់គួរសម ប៉ុន្តែក្នុងការប្រើប្រាស់ច្រើនរាប់បញ្ចូលទាំងការលេងហ្គេម PUBG និង កិច្ចសន្ទនាយូរជាងនេះ អាចប្រើប្រាស់បានត្រឹម មួយថ្ងៃពេញប៉ុណ្ណោះ ដែលនេះគឺជារឿងល្អមួយដែលធ្វើឲ្យហ្វេនៗមិនចាំបាច់ពិចារណាយូរឡើយ ក្នុងការជាវវាយកទៅធ្វើជាសំណព្វចិត្តឆ្នាំថ្មី។

សរុបសេចក្ដីមកឃើញថាស្មាតហ្វូន realme5 ជាជម្រើសស្មាតហ្វូនមួយដែលអាចឲ្យលោកអ្នក រីករាយក្នុងការប្រើប្រាស់បច្ចេកវិទ្យាទំនើបល្អ ទាំងកាមេរ៉ា៤ គ្រាប់ ទំហំថ្មធំ ៥០០០ mAh និង បន្ទះឈីបប្រតិបត្តិការល្អ ដោយមិនចាំបាច់ចំណាយច្រើននោះឡើយ។ អ្វីដែលកាន់តែពិសេសនៅពេលនេះ គឺ realme5 មានមួយប្រភេទទៀត (Option ថ្មី) ដែលមាន RAM3GB + ROM 64GB ROM លក់ក្នុងតម្លៃត្រឹមតែ ១៥៩ ដុល្លារ តែប៉ុណ្ណោះ ដែលអតិថិជនអាចរកទិញបានចាប់ពីថ្ងៃទី ៦ ខែធ្នូ ២០១៩ នេះតទៅ។ ចំពោះលក្ខណៈសម្បត្តិដទៃទៀត គឺដូចគ្នាទាំងអស់ទៅនឹង realme5 Option ដើមដដែល៕