- 2019-12-04 02:44:23
- ព័ត៌មាន
អ្នកបង្កើត Google ទាំង ២នាក់ ដឹកដៃគ្នាចុះចេញពីតំណែង
- 2019-12-04 02:44:23
- ចំនួនមតិ 0 | ចំនួនចែករំលែក 0
អ្នកបង្កើត Google ទាំង ២នាក់ ដឹកដៃគ្នាចុះចេញពីតំណែង
ចន្លោះមិនឃើញ
ស្ថាបនិក Google ទាំងពីររូបគឺលោក Larry Page និង Sergey Brin បានចុះចេញពីតំណែងជាន់ខ្ពស់របស់ខ្លួន ប៉ុន្តែពួកគេនឹងមិនបាត់បង់អំណាចក្នុងការគ្រប់គ្រងក្រុមហ៊ុននោះឡើយ។
ក្រុមហ៊ុនមេរបស់ Google គឺ Alphabet បានប្រកាសក្នុងលិខិតផ្ញើជូនម្ចាស់ភាគហ៊ុននៅថ្ងៃអង្គារថា Page និង Brin នឹងចាកចេញពីមុខតំណែងជានាយកប្រតិបត្តិ និងប្រធាននៃក្រុមហ៊ុន Alphabet។ លោក Sundar Pichai ដែលជានាយកប្រតិបត្តិនៃ Google និងត្រូវកាន់មុខតំណែងជានាយកប្រតិបត្តិនៃក្រុមហ៊ុន Alphabet ហើយក៏នឹងបន្តកាន់មុខតំណែងជានាយកប្រតិបត្តិ Google ក្នុងពេលជាមួយគ្នាផងដែរ។
ទោះបីជាមានការផ្លាស់ប្ដូរនោះ លោក Page និង Brin នឹងនៅតែមានសិទ្ធអំណាចក្នុងការគ្រប់គ្រង Alphabet។ តាមការលិខិតចុះបញ្ជីរបស់ក្រុមហ៊ុន អ្នកទាំងពីរមានកាន់កាប់សំឡេងនៃការបោះឆ្នោតនៅ Alphabet ម្នាក់ ២៥,៩% (Page) និង ២៥,១% (Brin)។Page និង Bron ដែលបានរួមគ្នាបង្កើត Google ក្នុងឆ្នាំ ១៩៩៨ នោះ ក៏នឹងបន្តជាសមាជិកក្រុមប្រឹក្សាភិបាលរបស់ Alphabet ដែរ។
Page ត្រូវបានចាត់តាំងធ្វើជានាយកប្រតិបត្តិ Alphabet ក្នុងឆ្នាំ ២០១៥ នៅពេលដែល Google រៀបចំកំណែទម្រង់បង្កើតក្រុមហ៊ុនមេ Alphabet។ លោក Pichai ដែលចូលធ្វើការនៅ Google នៅឆ្នាំ ២០០៤ ត្រូវបានដំឡើងឋានៈជានាយកប្រតិបត្តិ Google ក្នុងពេលតំណាលគ្នានោះ ដែលសាងកេរ្តិ៍ឈ្មោះជាមេដឹកនាំមានឥទ្ធិពលម្នាក់នៅតំបន់ Silicon Valley៕
ចុចអាន ៖ Apple ចង់ដើរតាមគន្លង Samsung ចេញស្មាតហ្វូនធុនខ្ពស់ ២ ដង/ឆ្នាំ