- 2019-12-04 01:21:32
- ព័ត៌មាន
Apple ចង់ដើរតាមគន្លង Samsung ចេញស្មាតហ្វូនធុនខ្ពស់ ២ ដង/ឆ្នាំ
- 2019-12-04 01:21:32
- ចំនួនមតិ 0 | ចំនួនចែករំលែក 0
Apple ចង់ដើរតាមគន្លង Samsung ចេញស្មាតហ្វូនធុនខ្ពស់ ២ ដង/ឆ្នាំ
ចន្លោះមិនឃើញ
ជារៀងរាល់ឆ្នាំ Apple តែងរមែងដាក់បង្ហាញស្មាតហ្វូនតួឯករបស់ខ្លួននៅអំឡុងខែកញ្ញា ហើយកន្លងទៅនេះសម្រាប់ឆ្នាំ ២០១៩ គឺរួមមាន iPhone 11 និង iPhone 11 Pro/11 Pro Max។ បែបណាមិញនៅឆ្នាំ ២០២១ បើតាមការវិភាគរបស់លោក Samik Chatterjee នៅក្រុមហ៊ុន JP Morgan បានទម្លាយថា Apple នឹងប្រើប្រាស់យុទ្ធសាស្រ្តថ្មី ដើរតាមគន្លងរបស់ Samsung។
នោះគឺការបន្ថែមពីការចេញផ្សាយស្មាតហ្វូន ១ ឬ ២ ម៉ូឌែល ពោលគឺអាចឡើងទៅ ៤ ម៉ូឌែល/ឆ្នាំ នេះរាប់តែស្មាតហ្វូនធុនខ្ពស់។ ដំណើរការនេះរមែងជាអនុវត្តចាប់ពីឆ្នាំ ២០២១ តទៅ ជាយុទ្ធសាស្រ្ត Samsung កំពុងធ្វើ ដោយមាន Galaxy S នៅដើមឆ្នាំ (អំឡុងខែកុម្ភៈ) ហើយ Galaxy Note នៅត្រីមាសទី ៣ ឬទី ៤ (អំឡុងខែសីហា)។
តាមការព្យាករណ៍យុទ្ធសាស្រ្តបែបនេះទំនងជាបង្កើនតួលេខនៃការលក់បានល្អប្រសើរជាងមុន ដោយវាឆ្លើយតបទៅនឹងបញ្ហានៃកំណើនលក់នៅពាក់កណ្តាលឆ្នាំ ព្រោះជាការពិតអតិថិជនបុកទិញ iPhone ជំនាន់ថ្មីតែនៅចុងឆ្នាំម្តងតែប៉ុណ្ណោះ។
រំឭកថាធ្លាប់មានចចាមអារ៉ាមពី iPhone SE 2 ដែលនឹងចេញផ្សាយនៅឆ្នាំ ២០២០ ផងដែរ ដូច្នោះហើយបើការអភិវឌ្ឍលើម៉ូឌែលនេះនៅតែបន្ត នោះក្នុងពេលអនាគតនៅចន្លោះពេលមួយឆ្នាំទំនងមាន iPhone លើសពី ៤ ម៉ូឌែលបង្ហាញខ្លួនក៏ថាបាន៕
អានអត្ថបទ:
