- 2019-12-03 02:00:22
- ព័ត៌មាន
មហោស្រពស្ទែមលើកទី១៥ បំផុសស្មារតីឲ្យមានការផ្លាស់ប្ដូរទម្លាប់ប្រចាំថ្ងៃ ដើម្បីបរិស្ថាន
- 2019-12-03 02:00:22
- ចំនួនមតិ 0 | ចំនួនចែករំលែក 0
មហោស្រពស្ទែមលើកទី១៥ បំផុសស្មារតីឲ្យមានការផ្លាស់ប្ដូរទម្លាប់ប្រចាំថ្ងៃ ដើម្បីបរិស្ថាន
ចន្លោះមិនឃើញ
មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំលើកទី១៥ ដែលបានប្រព្រឹត្តទៅនៅថ្ងៃទី ២៨ និង ២៩ វិច្ឆិកា ឆ្នាំ ២០១៩ នៅដឺព្រមៀ សេនធ័រសែនសុខ បានចូលរួមបណ្ដុះស្មារតី និងផ្ដល់នូវការកម្សាន្តដល់អ្នកដែលបានមកចូលរួមទស្សនា។
ជាមួយនឹងអ្នកចូលរួមដាក់តាំងពិព័រណ៍ និងទស្សនាជាង ១៣ ០០០ នាក់ មហោស្រពដើម្បីបរិស្ថានបៃតងនេះ បានផ្ដោតសំខាន់ទៅលើសហគមន៍ស្ទែមដ៏មោះមុត ក្នុងការរួមចំណែកថែរក្សាបរិស្ថានដោយចីរភាព តាមរយៈការជួយផ្លាស់ប្ដូរទម្លាប់ប្រចាំថ្ងៃធម្មតារបស់ភ្ញៀវដែលបានមកចូលរួមទស្សនា។
មហោស្រពនេះត្រូវបានរៀបចំឡើងដោយអង្គការពិព័រណ៍វិទ្យាសាស្ត្រកម្ពុជា ក្រោមការបន្តគាំទ្រដ៏ខ្ពង់ខ្ពស់របស់ក្រសួងអប់រំ យុវជន និងកីឡា និងក្រសួងបរិស្ថាន។
ថ្លែងក្នុងឱកាសនេះ អ្នកស្រីបណ្ឌិតនាយិកាអង្គការបានមានប្រសាសន៍ថា ៖ «តម្រូវការលើជំនាញស្ទែមសម្រាប់ការដោះស្រាយបញ្ហាបរិស្ថាន និងការអនុវត្តបែបបៃតងនៅក្នុងជីវិតប្រចាំថ្ងៃរបស់យើង គឺកាន់តែចាំបាច់ជាងពេលណាណាទាំងអស់។»
ជាលទ្ធផល នៅក្នុងពិធីនេះ គឺមានឥស្សរជន សិស្ស-និស្សិត មាតាបិតា និងគ្រូបង្រៀនជាច្រើននាក់បានចូលរួមសច្ចាធ្វើជាវីរជនបរិស្ថាន។
លោកជំទាវ Tina Redshaw ឯកអគ្គរាជទូតអង់គ្លេសប្រចាំនៅកម្ពុជា បានសច្ចាចូលរួមធ្វើជីកំប៉ុសពីកាកសំណល់ផ្សេងៗនៅស្ថានទូត ខណៈដែលឯកឧត្ដម អ៊ាង សុផល្លែត រដ្ឋលេខាធិកាក្រសួងបរិស្ថាន បានប្ដេជ្ញាខ្ពស់ ក្នុងការបន្តកាត់បន្ថយការប្រើប្រាស់ប្រភេទដបទឹកប្លាស្ទិកដែលប្រើបានតែម្ដង ហើយបោះចោល។
យើងក៏មានការចូលរួមរបស់វាគ្មិនដ៏ពិសេសផងដែរ គឺកញ្ញា ឡូរ៉ា ម៉ម ដែលជាអ្នកចម្រៀង សរសេរចម្រៀង ស្ត្រីអ្នកជំនួញ និងនរវិទូ។ នៅមុនការប្រគំតន្ត្រីអេកូជាមួយ Baramey Crew កញ្ញា ឡូរ៉ា ម៉ម បានផ្ដល់នូវសារប្រកបដោយការបំផុសស្មារតីដល់យុវជន និងយុវតីយើង ព្រមទាំងលើកទឹកចិត្តឲ្យពួកគាត់ជ្រើសយកអាជីពស្ទែម។
«តន្ត្រីគឺជាបច្ចេកវិទ្យា។ វាអាចផ្លាស់ប្ដូរចិត្ត និងបេះដូងរបស់យើង នៅក្នុងប្រទេសកម្ពុជាបាន ដូច្នេះគប្បីយើងសិក្សាមុខវិជ្ជាស្ទែម។ យើងត្រូវការស្ត្រីក្នុងវិស័យស្ទែមបន្ថែមទៀតជាពិសេស។ សូមសិក្សាពីវា ហើយរីករាយ! អ្នកពិតជាអាចធ្វើបាន»។
តាមរយៈការតាំងបង្ហាញគម្រោងស្ទែមរបស់ប្អូនៗសិស្សានុសិស្សជាង ២០០ នាក់ ការសម្ដែងសិល្បៈ បាឋកថាស្ទែម ការប្រកួតរ៉ូបូត និងសិល្បៈ មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំលើកទី ១៥ បានចូលរួមអបអរដល់យុវជនយើងដ៏អស្ចារ្យ និងមានគំនិតប្រកបដោយនវានុវត្តន៍។ នេះសបញ្ជាក់ឲ្យឃើញពីជំនាញស្ទែមរបស់សហគមន៍យើងដែលស្រឡាញ់វិទ្យាសាស្ត្រ បច្ចេកវិទ្យា វិស្វកម្ម សិល្បៈនិងគណិតវិទ្យា នៅពេលដែលកម្ពុជាកំពុងត្រូវការទាំងបុរស និងស្ត្រីបន្ថែមទៀត ឲ្យជ្រើសរើសយកអាជីពក្នុងវិស័យស្ទែម ដើម្បីរួមចំណែកដល់ការអភិវឌ្ឍឧស្សាហកម្មដោយបច្ចេកវិទ្យាជឿនលឿន ឌីជីថល និងនវានុវត្តន៍។
យើងខ្ញុំសូមថ្លែងអំណរគុណដល់អ្នកឧបត្ថម្ភ និងដៃគូសហការដែលបានធ្វើឲ្យព្រឹត្តិការណ៍នេះអាចប្រព្រឹត្តទៅបានយ៉ាងរលូន និងសូមអរគុណចំពោះការចូលរួមរបស់ភ្ញៀវកិត្តិយសនិងអ្នកដែលបានមកចូលរួមទស្សនាទាំងអស់។
សម្រាប់ព័ត៌មានបន្ថែម និងរូបភាពពីព្រឹត្តិការណ៍នេះ សូមចូលទៅកាន់ ៖
