Bill Gates៖ រឿងដែលខ្ញុំសោកស្តាយបំផុតក្នុងមួយជីវិត គឺមិនចេះនិយាយភាសាបរទេស

2019-11-27 07:45:00
ព័ត៌មាន

2019-11-27 07:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Bill Gates បានប្រាប់ទៅមនុស្សនៅជុំវិញពិភពលោកថា រឿងដែលសោកស្ដាយធំបំផុតក្នុងមួយជីវិត គឺលោកមិនចេះនិយាយភាសាបរទេសទេ។

នៅក្នុងកម្មវិធីសំនួរចម្លើយ “Ask Me Anything” រវាងអតិថិជន និងថ្នាក់ដឹកនាំកំពូលនៃក្រុមហ៊ុនបច្ចេកវិទ្យា Bill Gates ត្រូវបានប្រិយមិត្តម្នាក់សួរថា "តើរឿងដែលលោកធ្លាប់សោកស្ដាយធំបំផុតក្នុងមួយជីវិតគឺជាអ្វី?”។ Bill Gates ពិចារណាមួយភ្លែតក៏ឆ្លើយថា "រឿងដែលគួរឲ្យសោកស្តាយបំផុតគឺ ខ្ញុំមិនចេះនិយាយភាសាបរទេសណាមួយទាល់តែសោះ"។

លោកបានបន្ថែមទៀតថា កាលនៅក្មេងរៀនថ្នាក់វិទ្យាល័យ លោកបានត្រឹមធ្លាប់រៀនអក្សរឡាតាំង និង ភាសាក្រិកដែរ ហើយថែមទាំងរកបានសុទ្ធតែនិទ្ទេស A ផង តែឥឡូវលោកចង់ចេះភាសាបារាំង ចិន ឬក៏ភាសាអារ៉ាប។ បុរសវ័យ ៦០ឆ្នាំរូបនេះបានឲ្យដឹងទៀតថា លោកធ្លាប់បានប្រើកម្មវិធី Duolingo (កម្មវិធីបង្រៀនភាសាបរទេស) មួយរយៈពេលធំដែរ តែលោកមិនទទួលបានជោគជ័យ ដោយសារមិនបានព្យាយាម។

ពេលដែលលោកទៅទស្សនកិច្ចនៅចិន ហើយបានសំណេះសំណាលជាមួយលោកប្រធានាធិបតីចិន Xi Jinping មហាសេដ្ឋីរូបនេះបានត្រឹមតែប្រើភាសាអង់គ្លេសដើម្បីទាក់ទងគ្នាតែប៉ុណ្ណោះ។

Bill Gates និង លោកប្រធានាធិបតីចិន Xi Jinping

បើនិយាយពីការរៀនភាសាបរទេសនេះ ស្ថាបនិក Facebook លោក Mark Zuckerberg បានប្រឹងប្រែងរៀនភាសាចិនកុកងឺ ( Mandarin) រហូតអាចឆ្លើយសំនួរ Q&A រយៈពេល ៣០នាទី ដោយប្រើភាសាចិននៅចំពោះមុខនិស្សិតចិនជាច្រើនរយនាក់បានយ៉ាងល្អទៀតផង៕

ចុចអាន៖

ប្រភព៖ Businessinsider ប្រែសម្រួល៖ ប៉ែត ផាន់និត