- 2019-11-26 06:17:00
- ព័ត៌មាន
Huawei Nova 6SE ខ្នងកាត់ iPhone មុខកាត់ Samsung ត្រៀមប្រកាសសប្ដាហ៍ក្រោយ
- 2019-11-26 06:17:00
- ចំនួនមតិ 0 | ចំនួនចែករំលែក 0
Huawei Nova 6SE ខ្នងកាត់ iPhone មុខកាត់ Samsung ត្រៀមប្រកាសសប្ដាហ៍ក្រោយ
ចន្លោះមិនឃើញ
ក្រោយលេចធ្លាយព័ត៌មានចចាមអារ៉ាមជាច្រើន ថ្មីៗនេះរូបភាពច្បាស់ការនៃស្មាតហ្វូន Nova 6 SE ក៏បានលេចនូវលើផ្ទាំងផ្សព្វផ្សាយ ដែលត្រៀមប្រកាសនាសប្តាហ៍ក្រោយអំឡុងថ្ងៃទី ៥ ខែធ្នូ។
រចនាបថត្រង់ផ្នែកអេក្រង់ខាងមុខក៏បន្តប្រើប្រាស់ទម្រង់ចោះរាងរង្វង់ដូចជំនាន់ចាស់ nova 5z ដែលប្រកាសកាលពីខែមុន ប៉ុន្តែប្រភេទនេះមានបំពាក់ដំបូងនៅលើ Galaxy S10e របស់ក្រុមហ៊ុន Samsung។ ផ្នែកកាមេរ៉ាក្រោយមើលមួយភ្លែតស្រដៀងនឹង iPhone 11 Pro របស់ Apple គ្រាន់នេះខុសត្រង់ឡើង Sensor ដល់ ៤ គ្រាប់។
តាមដឹង nova 6 SE ជាស្មាតហ្វូនមានតម្លៃទាប ព្រោះប្រើប្រាស់អេក្រង់ IPS LCD អមប្រព័ន្ធស្កេនខ្ចៅដៃនៅផ្នែកចំហៀងតួម៉ាស៊ីនក្បែរប៊ូតុងដំឡើងសំឡេង។
តាមរយៈរូបភាពផ្សព្វផ្សាយក៏ទម្លាយច្បាស់ការពីបន្ទះឈីប Kirin 810 និងការគាំទ្រប្រព័ន្ធសាកថ្មរហ័សកម្លាំង ៤០ វ៉ាត់នៃមុខងារ SuperCharge របស់ Huawei។ ព័ត៌មានលម្អិតនិងតម្លៃយើងនឹងធ្វើការបញ្ជាក់ម្តងទៀតនៅថ្ងៃទី ៥ ធ្នូ៕
អានអត្ថបទ:
