កំពូលក្រុមហ៊ុនស្មាតហ្វូនលំដាប់លេខ ២នៅលើពិភពលោកបានចេញយុទ្ធសាស្ត្រខ្លាំង ១ទៀត​សម្រាប់​ទីផ្សារ​កម្ពុជា​ដែល​ពុំទាន់មានក្រុមហ៊ុនស្មាតហ្វូនណាបានចាប់ផ្ដើមនៅឡើយ ដោយ​កម្មវិធី​នេះ​បាន​ធ្វើឡើងកាល​ពី ថ្ងៃទី២១ ខែវិច្ឆិកា ២០១៩។

លោក Yan នាកយប្រតិបត្តិផ្នែក Consumer Cloud Service របស់ Huawei លើកឡើងថា “ជាក់​ស្ដែង​ដូច​ជា AppGallery អ៊ី​ចឹង​យើង​បាន​ដាក់​ឲ្យ​ប្រើ​ប្រាស់​ជាសកល​នៅ​អំឡុង​ខែ​មេសា ឆ្នាំ២០១៨ ហើយអ្វីដែលគួរឲ្យគាត់សម្គាល់នោះយើងដំណើរការមិនទាន់ដល់២ឆ្នាំនោះទេប៉ុន្តែអ្នកប្រើប្រាស់​​​មានជាមធ្យម ៣៩០លាន​នាក់ក្នុង ១ខែ និងប្រមាណជា ១៨០​ប៊ីលានដងនៃការទាញយកក្នុង ១ឆ្នាំ នេះជាសញ្ញាជោគជ័យដ៏ធំនឹកស្មានមិនដល់របស់ HMS”។

លោក ឌីបូ បញ្ញា GTM Manager របស់ក្រុមហ៊ុន Huawei កម្ពុជាបានបញ្ជាក់ថា Huawei Mate30 Pro បានចេញលក់នៅលើទីផ្សារប្រទេសកម្ពុជាហើយក្នុងតម្លៃ 899USD ជាមួយទំហំ RAM8GB និង ROM 256GB ហើយ HUAWEI MOBILE SERVICE គឺ​ចាំបាច់​បំផុត​ក្នុង​ការ​ប្រើ​ប្រាស់​នៅ​លើ​កំពូល​ស្មាតហ្វូន​នេះ ដោយសារគ្រប់ការទាញយកកម្មវិធីមកប្រើប្រាស់គឺត្រូវទាញយកតាម AppGallery ដូច្នេះ​ហើយ​ទើប Huawei ចេញ​យុទ្ធសាស្ត្រ​ថ្មី​មួយ​នេះ​នៅ​កម្ពុជា​ដើម្បី​បំពេញ​តម្រូវ​ការ​អ្នក​ប្រើប្រាស់​ក្នុងស្រុក៕