- 2019-10-22 03:03:25
- ព័ត៌មាន
ប៉ុន្មានចំណុចខ្លឹមៗលើស្មាតហ្វូនថ្មីតម្លៃកណ្ដាលរបស់ Oppo ថ្មីនេះ អ្នកអាចពិចារណាបាន
- 2019-10-22 03:03:25
- ចំនួនមតិ 0 | ចំនួនចែករំលែក 0
ប៉ុន្មានចំណុចខ្លឹមៗលើស្មាតហ្វូនថ្មីតម្លៃកណ្ដាលរបស់ Oppo ថ្មីនេះ អ្នកអាចពិចារណាបាន
ចន្លោះមិនឃើញ
បន្ទាប់ពីដឹងតម្លៃពិតនៃស្មាតហ្វូនស៊េរីថ្មីកូនកាត់ត្រកូល F Series និង Reno Series រួចមក តើអ្នកទាំងអស់គ្នា គិតម៉េចដែរ? ប្រសិនបើនៅតែស្ទាក់ស្ទើរ ពុំទាន់ហ៊ានសម្រេចចិត្តថាគួរទិញ ឬយ៉ាងណា? ក្រឡេកមកសិក្សាលម្អិតអំពីលក្ខណៈពិសេសៗនៃស្មាតហ្វូនកូនកាត់ OPPO Reno2F ទាំងអស់គ្នាដែលមានដូចខាងក្រោម៖
ចំនុចទី ១៖ OPPO Reno 2F ជាស្មាតហ្វូនកូនកាត់ដែលកើតចេញពី ការច្របាច់បញ្ចូលគ្នារវាង F Series (ក្នុងនោះមានម៉ូឌែលចុងក្រោយលក់ដាច់ខ្លាំងជាងគេគឺ OPPO F11 Pro) និង Reno Series នឹងផ្តល់នូវបទពិសោធន៍ថ្មីស្រឡាងដល់អ្នកប្រើប្រាស់ និងពញាក់អារមុ្មណ៍ដល់ អ្នកគាំទ្រស្មាតហ្វូន OPPO នៅគ្រប់ទីកន្លែង តាមរយៈការធ្វើកំណែរទម្រង់អាប់ដែត(Update) ទាំង Hardware និង Software របស់រៀមច្បង រួមផ្សំជាមួយនឹងរបកគំហើញថ្មីៗនៃបច្ចេកវិទ្យាទំនើបចុងក្រោយ។
ចំនុចទី ២៖ OPPO Reno 2F មានរូបរាងរលើបរលោងស្រស់ស្អាតកាលីបទាន់សម័យ ដោយផ្នែកខាងមុខមានអេក្រង់លាតពេញទំហំ ៦.៥ អ៊ីញអេក្រង់ប្រភេទ AMOLED គ្មានរចនាបថដំណក់ទឹក ផ្ទៃម៉ាស៊ីនរាបស្មើ ស្ទើរតែគ្មានចោះរន្ធ។ រីឯផ្នែកខាងក្រោយត្រូវបានរចនាដោយកញ្ចក់ការពារភាពសឹកឆ្កូត Corning Gorilla Glass (CGG) ស្វិតរឹងមុំាមិនងាយបែក និងការរចនានូវរូបរាងបែប O.Dot ផលិតពីសេរ៉ាមិចដើម្បីការពារមិនឲ្យខូច ឬសឹកឡេនកាមេរ៉ា។
ចំនុចទី ៣៖ OPPO Reno 2F មានកាមេរ៉ាក្រោយ ៤ គ្រាប់តំរៀបគ្នាជាជួរយ៉ាងមានរបៀប ស្មើត្រឹមតែម្តង ដោយកាមេរ៉ាមេមានទំហំ ៤៨MP ភ្ជាប់ជាមួយនឹងបច្ចេកវិទ្យា Ultra Night Mode ២.០ ថតរូបច្បាស់គ្រប់ពេលវេលា។ កាមេរ៉ាទី ២ មានទំហំ ៨MP ថតបានមុំធំទូលាយ (Wide-angle) ដល់ ១១៩០ ថតរូបមនុស្សទូទៅ ឃើញខ្ពស់រាងស្លីមស្អាត ថតរូបជួបជុំគ្រួសារ រឺការជួបជុំនៅតុអាហារបានយ៉ាងរីករាយ ដោយពុំចាំបាច់ឈឺក្បាលដើរថយក្រោយ ជាពិសេសវាក៏បានបំពាក់នូវបច្ចេកវិទ្យា (10x Digital Zoom) ថែមទៀតផង ។ កាមេរ៉ាទី ៣ និងទី ៤ មានទំហំ ២MP ដូចគ្នា អាចថតរូបបែបសខ្មៅ និងបែបភាពយន្ត ស្អាតគ្រប់ប្លង់។ ចំណែកឯកាមេរ៉ាមុខបង្កប់ខ្លួនចំកណ្តាលមានទំហំ ១៦MP ភ្ជាប់មកជាមួយនូវបច្ចេកវិទ្យា (Beauty Mode) និង (Panoramic Light Effect ) ថតរូប Selfie ស្អាតកប់សារី។
ចំណុចទី ៤៖ Reno 2F បំពាក់មកជាមួយនូវសេនស័រ (Sensor) ស្កេនក្រយ៉ៅដៃលើអេក្រង់ជំនាន់ទី ៣.០ កាន់តែសុវត្ថិភាពខ្ពស់ជាមួយនឹង Hardware និង AI ដែលអាចវិភាគនិងសម្គាល់ស្នាមម្រាមដៃ និងមានល្បឿនកាន់តែលឿន ដោះសោរត្រឹមតែ ០.៣ វិនាទីប៉ុណ្ណោះ។
ចំនុចទី ៥៖ ស្មាតហ្វូនកូនកាត់រូបនេះ មានRAM ទំហំធំ ៨GB អង្គផ្ទុកទិន្នន័យគឺ ១២៨GB អាចផ្ទុកភាពយន្តបានចំនួន ២១០ (៦០០MB/រឿង) និង ៤២០០០ រូបភាព (៣MB/សន្លឹក) ដំណើការដោយ ColorOS 6.1(Android 9.0)និងមានកម្លាំងថាមពលថ្មទំហំធំរហូតដល់ទៅ ៤០០០mAh អាចមើលវីដេអូបាន ១៣ ម៉ោង ស្តាប់តន្ត្រីបាន ៣១ម៉ោង និងលេងហ្គេមបាន ៨ ម៉ោង គ្មានការរអាក់រអួលដោយសារបច្ចេកវិទ្យា Game Boost ២.០។
គួររំលឹកថា ស្មាតហ្វូនកូនកាត់ OPPO Reno2F រូបនេះបានបង្ហាញខ្លួនជាផ្លូវការព្រមគ្នាជាមួយនឹងស្មាតហ្វូនរៀមច្បងរបស់វាគឺ OPPO Reno2 កាលពីថ្ងៃទី ១៧ តុលា ឆ្នាំ ២០១៩ កន្លងទៅ។ ជាងនេះទៅទៀត ក្រុមហ៊ុន OPPO បានដាក់លក់ស្មាតហ្វូនស៊េរិថ្មិ OPPO Reno2 F ត្រឹមតែ ៣៦៩ ដុល្លារ ដោយមានបន្ថែមកញ្ចប់កាដូ៖
ចំណែកឯ OPPO Reno2 តម្លៃត្រឹមតែ ៥៩៩ ដុល្លារ មានបន្ថែមកាដូពិសេសដូចជា៖
ការផ្តល់ជូននេះ សម្រាប់តែអតិថិជនដែលបានធ្វើការកក់ទុកមុន (Pre-Order) ចាប់ពីថ្ងៃនេះរហូតដល់ថ្ងៃទី ២៤ តុលា ២០១៩ តែប៉ុណ្ណោះ៕