- 2019-10-21 02:58:23
- ព័ត៌មាន
ចុងខែនេះ Apple អាចបញ្ចេញ AirPods Pro តម្លៃ ២៦០ ដុល្លារ
- 2019-10-21 02:58:23
- ចំនួនមតិ 0 | ចំនួនចែករំលែក 0
ចុងខែនេះ Apple អាចបញ្ចេញ AirPods Pro តម្លៃ ២៦០ ដុល្លារ
ចន្លោះមិនឃើញ
កាស AirPods ជំនាន់ថ្មីរបស់ Apple ដែលលេចឮដំណឹងជាយូរមកហើយនោះ នឹងត្រូវប្រកាសចេញនៅចុងខែតុលានេះ ជាមួយការប្រើឈ្មោះ "Pro” និងមានតម្លៃប្រមាណ ២៦០ ដុល្លារ។ នេះបើតាមការចុះផ្សាយរបស់សារព័ត៌មានចិន China Economic Daily។
កាស AirPods ជំនាន់ទីបី នឹងមានការឌីហ្សាញអាចញ៉ុកចូលត្រចៀកបានណែន ដើម្បីទ្រាំទ្រដល់មុខងារទប់សំឡេងរំខានពីខាងក្រៅ និងបង្កើនគុណភាពនៃការស្ដាប់កាន់តែប្រសើរ។ ប្រភពបានអះអាងថា ការប្រើឈ្មោះ "Pro” នឹងជួយកំណត់ភាពខុសគ្នារវាងកាសថ្មី ជាមួយនឹងកាស AirPods នាពេលបច្ចុប្បន្ន។
គួរដឹងថានៅលើ iOS 13.2 ប្រភេទ Beta គេបានប្រទះឃើញរូប Icon មួយ ដែលទំនងជាបង្ហាញអំពីកាស AirPods ដែលមានការឌីហ្សាញថ្មី ដោយនៅផ្នែកខាងចុងនៃកាសគឺមានជ័រដែលអាចជាផ្នែកមួយនៃមុខងារទប់សំឡេង។
មិនទាន់មានកាលបរិច្ឆេទជាក់លាក់អំពីការប្រកាសចេញ AirPods ថ្មីនេះទេ។ ប៉ុន្តែក្រៅពី AirPods នេះ គេរំពឹងថា Apple នឹងបញ្ចេញផលិតផលថ្មីជាច្រើនទៀតនៅខែតុលា មានដូចជា MacBook Pro ១៦ អ៊ីញជាដើម៕
ចុចអាន ៖ រៀបធៀបទៅបានដឹង! Dark Mode លើ iPhone សន្សំសំចៃថ្មសាហាវ