- 2019-10-14 02:11:14
- ព័ត៌មាន
មកដឹងថ្លៃដើមចំណាយលើ iPhone 11 Pro Max ដែលលក់តម្លៃជាង ១ ពាន់ដុល្លារ
- 2019-10-14 02:11:14
- ចំនួនមតិ 0 | ចំនួនចែករំលែក 0
មកដឹងថ្លៃដើមចំណាយលើ iPhone 11 Pro Max ដែលលក់តម្លៃជាង ១ ពាន់ដុល្លារ
ចន្លោះមិនឃើញ
នៅសហរដ្ឋអាមេរិក អ្នកត្រូវចំណាយ ៦៩៩ ដុល្លារ លើ iPhone 11 និងខ្ពស់ដល់ ១ ៤៤៩ ដុល្លារសម្រាប់ iPhone 11 Pro Max ទំហំ ៥១២GB។ TechInsights បានធ្វើការសិក្សាលើតម្លៃនៃគ្រឿងបន្លាស់លើ iPhone 11 Pro Max ទំហំ ៥១២GB ដែលបង្ហាញថាអេក្រង់ និងកាមេរ៉ាជាផ្នែកថ្លៃជាងគេ។
TechInsights បានឲ្យដឹងថាអេក្រង់ទំហំ ៦,៥ អ៊ីញរបស់ iPhone នេះមានតម្លៃ ៦៦,៥ ដុល្លារ ចំណែកកាមេរ៉ា ៣ គ្រាប់មានតម្លៃសរុប ៧៣,៥ ដុល្លារ ដែលវាជាផ្នែកថ្លៃជាងគេ។ ថ្មផ្គត់ផ្គង់ដោយ Samsung មានតម្លៃ ១០,៥ ដុល្លារ ហើយបន្ទះសៀគ្វី Proscessor និង Modem តម្លៃប្រមាណ ១៥៩ ដុល្លារ។ Sensor, ខ្សែភ្លើង, PCB និងគ្រោងឆ្អឹងមានតម្លៃសរុប ១៨១ ដុល្លារ។
សរុបជាមួយគ្រឿងបន្លាស់ iPhone 11 Pro Max មានតម្លៃ ៤៩០,៥ ដុល្លារ។ យ៉ាងណាក្ដីការសិក្សារបស់ TechInsights មិនបានរួមបញ្ចូលថ្លៃផលិត, ថ្លៃដំឡើង, ថ្លៃដឹកជញ្ជូន, Software, ការធ្វើទីផ្សារ និងការស្រាវជ្រាវ និងអភិវឌ្ឍន៍នោះទេ។
គួរដឹងថា iPhone XS Max ដែលចេញឆ្នាំទៅមានតម្លៃគ្រឿងបន្លាស់ ៤៤៣ ដុល្លារ ហើយ iPhone X មានតម្លៃតិចជាង ៤០០ ដុល្លារ។ គួរកត់សម្គាល់នោះគឺ Apple បានសន្សំសំចៃច្រើនលើថ្លៃចំណាយនៃអេក្រង់ ដែលកាលជំនាន់ iPhone XS Max អេក្រង់នេះមានតម្លៃ ៨០,៥ ដុល្លារ។ ប៉ុន្តែកាមេរ៉ាភ្លោះលើ iPhone XS Max មានតម្លៃតែ ៤៤ ដុល្លារប៉ុណ្ណោះ៕
ចុចអាន ៖ ជោគជ័យការលក់ iPhone 11 រុញឲ្យតម្លៃភាគហ៊ុនរបស់ Apple ឡើងខ្ពស់មិនធ្លាប់មាន