Google អត់ខ្វល់បន្តឲ្យ Pixel 4 បែកធ្លាយលក្ខណៈពិសេសជិតអស់!

2019-10-03 04:50:42
ព័ត៌មាន

2019-10-03 04:50:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនស្រឡាយ Pixel របស់ Google បន្តបែកធ្លាយលើអ៊ីនធើណិតព្រោងព្រាតទៀតហើយ ដែលម្តងនេះលេចចេញនូវមុខងារសំខាន់ ២ គឺ Assistant និង Motion Sense feature។ មុខងារនេះសំដៅដល់ Google Assistant (អភិវឌ្ឍន៍បន្ថែមឲ្យឆ្លាតជាងមុន) ដែលអ្នកអាចប្រើសំឡេងបញ្ជាស្មាតហ្វូនឲ្យធ្វើអ្វីមួយដូចជា បិទកុំឲ្យមានសាររំខានពេលថតរូប សួរនាំពីជើងហោះហើរនានាដោយបង្ហាញព័ត៌មានលម្អិតតែម្តង ឬអាចសួរនាំពីផ្លូវនានា ជាដើម។

រូបខាងក្រោយ អាចជាស្មាតហ្វូន Pixel 4XL

ប្រភេទ Flagship Android នេះដែរតាមចចាមអារ៉ាមពីសព្វមួយដងធ្លាប់បញ្ជាក់ហើយថា Pixel 4/4 XL នឹងប្រើប្រាស់ប្រព័ន្ធស្កេនផ្ទៃមុខជំនាន់ថ្មី និងប្រព័ន្ធបញ្ជាដោយកាយវិការ Soli Motion។ ដោយឡែកដំណើរការអេក្រង់មានល្បឿន Refresh rate ៩០Hz។ ស្មាតហ្វូនដដែលមានទំហំធំជាងមុន និងស្ថិតក្នុងតួខ្លួនពណ៌ស ដំណើរការលើផ្ទៃកម្មវិធី Android 10

Assistant និង Motion Sense feature

រំឮកដែរថា បែកធ្លាយលក្ខណៈពិសេសបន្តិចម្តងៗជិតអស់បែបនះ ត្រូវបានបណ្ដាសារព័ត៌មានអឺរ៉ុបធ្វើការវាយប្រហារ Google ថា មានការរធ្លោះធ្លោយរាំងខ្ទប់មិនជាប់សោះ និងដាក់ឈ្មោះក្រៅឲ្យថា ជាស្មាតហ្វូនដែលបែកធ្លាយគ្រប់យ៉ាងមុននឹងប្រកាស ដែលមិនធ្លាប់មានពីមុនមក សូម្បីតែ iPhone របស់ Apple ក៏មិនទាន់ដល់កម្រិតនេះដែរ។

រូបខាងមុខ អាចជាស្មាតហ្វូន Pixel 4

យ៉ាងណាមិញ ការធ្វើបែបនេះ ក៏ជាយុទ្ធសាស្ត្រទីផ្សារម្យ៉ាងដែរ ក៏ព្រោះតែ Google សំងំអភិវឌ្ឍន៍ស្មាតហ្វូនដោយញាត់របស់សំខាន់ៗច្រើន មិនដេញស៊េរីចំនួនកាមេរ៉ានោះទេ ដាក់តែមួយគ្រាប់គត់និងទទួលបានពិន្ទុល្អប្រសើរបើធៀបនឹងទីផ្សារស្មាតហ្វូនបច្ចុប្បន្ន ទើបតែដល់ឆ្នាំ ២០១៩ Pixel 4 នឹងប្រែរូបរាងដល់ដាក់បង្គុំកាមេរ៉ាខាងក្រោយដល់ ៣ គ្រាប់ឯណោះ។

ស្មាតហ្វូន Pixel 4 និង Pixel 4XL នឹងត្រូវប្រកាសចេញជាផ្លូវការនៅថ្ងៃទី ១៥ ខែតុលាឆ្នាំ ២០១៩ ខាងមុខនេះ។ យ៉ាងណាមិញ ពណ៌ទូរសព្ទ ល្បឿនដំណើការ រូបរាងលេចចេញស្ទើរទាំងអស់ទៅហើយ នៅសល់តែតម្លៃប៉ុណ្ណោះ៕

បែកធ្លាយវីដេអូប្រម៉ូត មុនប្រកាសចេញ