Mate 30 Pro កាន់ដៃផ្ទាល់នៅវៀតណាមអាចលេង TikTok និង BigoLive

2019-10-02 09:29:26
ព័ត៌មាន

2019-10-02 09:29:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះគេប្រទៈឃើញវត្តមានស្មាតហ្វូនជំនាន់ចុងក្រោយបង្អស់របស់ Huawei គឺ Mate 30 Pro លេចមុខនៅប្រទេសវៀតណាមកាលពីថ្ងៃទី ១ ខែតុលាកន្លងទៅ ទាំងដែលក្រុមហ៊ុនទើបនឹងប្រកាស Mate 30 មានលក់នៅប្រទេសចិនចាប់ពីពេលនេះហើយ លើទីផ្សារសកលគឺមាននៅខែតុលា(តែមិនច្បាស់ពីថ្ងៃខែជាក់លាក់នៅឡើយ)។ នេះបើយោងតាមប្រភពពីសារព័ត៌មាន vnexpress របស់រៀតណាម។

Mate 30 Pro

ត្បិតជាយ៉ាងនេះក្តី ក្រោយធ្វើតេស្តសមត្ថភាពកាមេរ៉ារួចហើយ។ ប្រភពដដែលបានសរសេរថា ស្មាតហ្វូននោះដំណើការដោយ EMUI 10 interface រត់ដោយ Android 10 ទោះជាគ្មាន Play Store កម្មវិធី តែក៏នៅអាចប្រើ App Gallery របស់ Huawei និង Third Party App សម្រាប់ជំនួយដោនឡូតកម្មវិធីនានាដែលក្នុងនោះមានដូចជា TikTok, BingoLive និងហ្គេមនានាជាច្រើន។

Third Party App លើ EMUI 10

Mate 30 Pro មានបំពាក់ប្រព័ន្ធកាមេរ៉ាថ្មី ដែលកាមេរ៉ាខាងក្រោយមានចំនួន 4 ដោយកាមេរ៉ាមេមានកម្រិត 40MP (Aperture f/1.6), កាមេរ៉ា Ultrawide កម្រិត 40MP (Aperture f/1.8), កាមេរ៉ា Telephoto កម្រិត 8MP (Aperture f/2.4) និងទីបួនជាកាមេរ៉ាវាស់ជម្រៅ 3D ToF។ ចំណែកខាងមុខមានបំពាក់កាមេរ៉ាប្រភេទ Wide កម្រិត 32MP មាន Aperture f/2.0 និងមានអមដោយកាមេរ៉ា 3D ToF មួយផងដែរ។

ប្រព័ន្ធកាមេរ៉ាថ្មីលើ Mate 30 Pro

ស្មាតហ្វូននេះបំពាក់នូវបន្ទះឈីប Kirin 990 ដែលមានទំហំ 7nm+ EUV និងមានបំពាក់ដោយ GPU Mali-G67 MP16 ដែលមានកម្លាំងខ្លាំង និង GPU Turbo ដែលល្អប្រសើរជាងមុន។ នៅផ្នែកខាងក្នុងថែមមានប្រព័ន្ធបញ្ចុះកម្ដៅបានយ៉ាងល្អទៀតផង។

សម្រាប់តម្លៃពេលប្រកាសចេញគឺ Mate 30 នឹងមានលក់នៅប្រទេសចិនចាប់ពីពេលនេះ ហើយលើទីផ្សារសកលគឺមាននៅខែតុលា ជាមួយតម្លៃ 800អឺរ៉ូ (ប្រមាណ 884ដុល្លារ)។ វាមាន RAM ទំហំ 8 GB ដែរ ប៉ុន្តែមានអង្គផ្ទុក 128GB (អាចបន្ថែមទំហំដោយមេមូរីកាត) ហើយមិនមានប្រភេទ 5G ឡើយ៕