- 2019-10-02 02:19:10
- ព័ត៌មាន
កាមេរ៉ាច្រើនជាងមុន រាងក៏ស្អាត! ឮល្ហៀងៗ Oppo ត្រៀមនឹងបញ្ចេញ F Series ឆាប់ៗនេះ
- 2019-10-02 02:19:10
- ចំនួនមតិ 0 | ចំនួនចែករំលែក 0
កាមេរ៉ាច្រើនជាងមុន រាងក៏ស្អាត! ឮល្ហៀងៗ Oppo ត្រៀមនឹងបញ្ចេញ F Series ឆាប់ៗនេះ
ចន្លោះមិនឃើញ
កាលពីដើមឆ្នាំ ២០១៩ នេះ OPPO បានបន្ថែមនូវការអភិវឌ្ឍន៍បន្ថែម (Upgrade)Software និង Hardware បង្កើតបានជាទូរសព្ទដែលជំនាញក្នុងការថតរូបនៅទីងងឹត គឺ OPPO F11 Pro ជាមួយនឹងអេក្រង់លាតពេញគ្មានដំណក់ទឹក ឬឆក។ ម្យ៉ាងស្មាតហ្វូន F11 Pro ជាស្មាតហ្វូនដំបូងគេបង្អស់ ដែលមានកាមេរ៉ាមុខបង្កប់ខ្លួន និងកាមេរ៉ាក្រោយភ្លោះ។
ស្របពេលទីផ្សារស្មាតហ្វូននៅកម្ពុជាកំពុងឡើងកម្តៅ ចំនួនចរាចរណ៍នៃស្មាតហ្វូនស៊េរីថ្មីៗកើនឡើងគួរឲ្យកត់សម្គាល់ ក្រុមហ៊ុនទូរសព្ទឈានមុខគេនៅអាស៊ីអាគ្នេយ៍ OPPO ក៏មិនឱបដៃឈរមើលដែរ គឺកំពុងតែត្រៀមអាវុធថ្មីតាមរយៈការធ្វើកំណែរទម្រង់ថ្មី និងការអភិវឌ្ឍន៍លើស្មាតហ្វូនជំនាន់ក្រោយរបស់ OPPO F Series ឲ្យកាន់តែប្រសើរឡើងមួយកម្រិតទៀត។
រីឯ OPPO ត្រកូល OPPO Reno Series កំពុងបង្កើនល្បឿននៃការតស៊ូ និងភាពច្នៃប្រឌិតឥតឈប់ឈរ ដើម្បីក្តោបទីផ្សារថ្នាក់កណ្តាល និងថ្នាក់លើ។ តាមការប៉ាន់ស្មាន ក្រុមហ៊ុន OPPO អាចនឹងត្រៀមបង្ហាញនូវស្មាតហ្វូនត្រកូល F Series ចុងក្រោយដែលនឹងមានសមត្ថភាពខ្លាំងជាងមុន កាមេរ៉ាច្រើនជាងមុន រូបរាងស្រស់ស្អាតទាក់ទាញ និងទំនើបជាងមុនផងដែរ។
សូមរង់ចាំអ៊ុតមើលថាតើ ស្មាតហ្វូន OPPO ត្រកូល F Series ចុងក្រោយ អាចជា OPPO F15 ឬ OPPO F15 Pro ជាមួយនឹងសមាសធាតុនៃការរួមបញ្ចូលគ្នារវាង F និង Reno Series ឬយ៉ាងណា?
រំឭកដែរថា ស្មាតហ្វូន OPPO F5 មានអេក្រង់លាត Full Screen ត្រូវបានទទួលស្គាល់ជាសកលថា ជាអ្នកឯកទេស Selfie ឈានមុខគេនិង កាមេរ៉ាក្រោយមួយគ្រាប់មានសមត្ថភាពថតរូបពិតរបស់អ្នកប្រើប្រាស់ស្អាតក្មេងខ្ចីតែម្តង។ ពីមួយជំនាន់ទៅមួយជំនាន់ស្មាតហ្វូនត្រកូល F របស់ក្រុមហ៊ុន OPPO កាន់តែទំនើបឈានមុខភ្ជាប់មកនូវជាមួយបច្ចេកវិទ្យាថ្មីៗល្អប្លែកពីគ្នា ដើម្បីបំពេញតម្រូវការអ្នកប្រើប្រាស់ទូទាំងពិភពលោក។
ចំណែកឯ OPPO F7 ត្រូវបានអាប់ដែតអេក្រង់ មានកម្រិតបង្ហាញរូបភាពរហូតដល់ Full HD+ និងផ្នែកខាងក្រោយបំពាក់នូវកញ្ចក់ចាំងភ្លឺរលោង។ ចំពោះកាមេរ៉ាមុខ នៅតែរក្សានូវកំណែទម្រង់កាន់តែល្អប្រសើរ និងកាមេរ៉ាក្រោយត្រូវបានបន្ថែមទំហំធំជាងមុន។
ជំនាន់បន្ទាប់ គឺ OPPO F9 មានអេក្រង់លាតពេញ បែបដំណក់ទឹក ភ្ជាប់ជាមួយកញ្ចក់ការពារអេក្រង់ដ៏ធន់រឹងមាំ។ F Series ជំនាន់ថ្មីនេះ មានកាមេរ៉ាមុខថតSelfie បានស្អាតដូចដើម ប៉ុន្តែក្រុមហ៊ុន OPPO បានវិវត្តន៍ និងច្នៃប្រឌិតដោយបំពាក់នូវកាមេរ៉ាភ្លោះក្រោយ៕