- 2019-10-02 01:30:25
- ព័ត៌មាន
ល្បីថា Galaxy S11 ប្រើសុទ្ធតែ Sensor អាចវាស់ដឹងកម្រិតជាតិស្ករក្នុងបន្លែផ្លែឈើ
- 2019-10-02 01:30:25
- ចំនួនមតិ 0 | ចំនួនចែករំលែក 0
ល្បីថា Galaxy S11 ប្រើសុទ្ធតែ Sensor អាចវាស់ដឹងកម្រិតជាតិស្ករក្នុងបន្លែផ្លែឈើ
ចន្លោះមិនឃើញ
ត្បិតនៅសល់រយៈពេល ៥-៦ ខែមុនក្រុមហ៊ុន Samsung ប្រកាសផ្សាយ Galaxy S11 ប៉ុន្តែមកទល់ពេលនេះក៏មានលេចលឺដំណឹងបែកធ្លាយមួយចំនួនជាបណ្តើរៗហើយ។ របាយការណ៍ចុងក្រោយបានឲ្យដឹងថាត្រកូល Galaxy S សេរ៊ីឆ្នាំ ២០២០ គ្រោងនឹងបំពាក់នូវបច្ចេកវិទ្យាដែលអាចវាស់ដឹងនូវកម្រិតជាតិស្ករក្នុងបន្លែផ្លែឈើ។
ក្រៅពីការអភិវឌ្ឍនូវ Sensor កាមេរ៉ាទំហំ 108MP និងការពង្រីកចូល ៥ ដងដោយមិនបាត់បង់គុណភាពរូប ដោយឡែកក៏លេចចេញនូវប៉ាតង់មួយផ្សេងទៀតទាក់ទិននឹងការបំពាក់នូវឧបករណ៍ (Sensor) ចាប់សញ្ញាអេឡិចត្រូនិកបំពាក់នៅខ្នងខាងក្រោយ ដែលវាអាចវិភាគនិងដំណើរការទិន្នន័យនូវកម្រិតជាតិស្ករក្នុងបន្លែផ្លែឈើ កម្រិតនៃសំណើមលើស្បែកមនុស្ស ក៏ដូចជាការវាស់ស្ទង់ចង្វាក់បេះដូង។
ប្រភពពី LetsGoDigital ដែលទម្លាយចេញនូវប៉ាតង់ខាងលើក៏ព្យាករណ៍ថា Samsung អាចនឹងបំពាក់ Sensor នេះនៅលើផ្នែកកាមេរ៉ាមុខដូចគ្នា ប៉ុន្តែមិនបញ្ជាក់ច្បាស់លាស់ថា Galaxy S11 គឺជាស្មាតហ្វូនដំបូងដែលអាចប្រើប្រាស់បច្ចេកវិទ្យាដ៏ពិសេសនេះឬក៏បែបណាឡើយ។
រំឭកថាចំពោះការបង្ហាញខ្លួន ក៏មិនខុសទៅពីរាល់ឆ្នាំ ពោលគឺ Samsung អាចនឹងប្រកាស Galaxy S11 ក្នុងអំឡុងចុងខែកុម្ភៈ៕
អានអត្ថបទ: